జేబులో ‘బాంబు’

•  యువకుడి ప్యాంటు పాకెట్‌లో పేలిన స్మార్ట్‌ఫోన్!

హైదరాబాద్ అత్తాపూర్‌లో షాకింగ్ ఘటన.. జేబులో ఉన్న ఫోన్ అకస్మాత్తుగా పేలిపోవడంతో యువకుడికి తీవ్ర గాయాలు. నిత్యం మనం వాడే ఫోన్ ప్రాణసంకటంగా మారుతోందా?

అత్తాపూర్‌లో కలకలం: అసలేం జరిగింది?

హైదరాబాద్‌లోని అత్తాపూర్‌కు చెందిన శ్రీనివాస్ అనే యువకుడు (వృత్తిరీత్యా పెయింటర్) తన ప్యాంటు జేబులో స్మార్ట్‌ఫోన్ పెట్టుకుని ఉండగా, అది అకస్మాత్తుగా పేలిపోయింది. ఎటువంటి ముందస్తు హెచ్చరిక లేదా వేడి లేకుండానే ఫోన్ ఒక్కసారిగా పేలడంతో శ్రీనివాస్ తొడ భాగం తీవ్రంగా కాలిపోయింది. పేలుడు ధాటికి ప్యాంటు పాకెట్ పూర్తిగా కాలిపోయి, పొగలు రావడంతో చుట్టుపక్కల వారు భయాందోళనకు గురయ్యారు. బాధితుడిని వెంటనే స్థానిక ఆసుపత్రికి తరలించి చికిత్స అందిస్తున్నారు.

ఇటీవల కాలంలో దేశవ్యాప్తంగా ఇలాంటి ఘటనలు పెరగడం ఆందోళన కలిగిస్తోంది. మొన్నటికి మొన్న మధ్యప్రదేశ్ మరియు కేరళలో కూడా ఇలాంటి పేలుళ్లు జరిగాయి. తాజా ఘటనలో పేలిన ఫోన్ ఏ కంపెనీకి చెందినదనేది స్పష్టంగా తెలియనప్పటికీ, బ్యాటరీ లోపమే దీనికి ప్రధాన కారణమని నిపుణులు భావిస్తున్నారు. ఈ ఘటన స్మార్ట్‌ఫోన్ వినియోగదారులను ఒక్కసారిగా ఉలిక్కిపడేలా చేసింది.

#SmartphoneBlast #MobileSafety #Attapur #TechAlert #BatteryExplosion

Saran Kumar Thalapula