వంగిమళ్లలో వైభవంగా యల్లమ్మ తల్లి జాతర
ఆస్తికత ఆరాధనలో ఆడబిడ్డల సమర్పణ
వీరబల్లి మండలం వంగిమళ్ల పెద్దూరులో భక్తిశ్రద్ధలతో సాగుతున్న శ్రీ యల్లమ్మ తల్లి జాతర ఉత్సవాలు శనివారం మూడవ రోజుకు చేరుకున్నాయి. గ్రామవాసుల విశ్వాసానికి, ఆస్తికతకు ప్రతీకగా నిలిచే ఈ జాతరలో అమ్మవారికి జరిగే ప్రత్యేక పూజా కార్యక్రమాలు అత్యంత వైభవంగా సాగుతున్నాయి.
ఈ పుణ్యకాలంలో, వివిధ గ్రామాల నుంచి భక్తులు సమర్పించిన సాంగెం (అర్పణలు)లు ప్రత్యేక ఆకర్షణగా నిలిచాయి. లక్ష్మీనగర్కు చెందిన అనిపిరెడ్డి కుటుంబం జొన్నల సాంగెం సమర్పించగా, కావలిగడ్డకు చెందిన యాదవుల కుటుంబం పాలు సాంగెంగా తీసుకువచ్చారు. నల్లపర్వతయ్యగారిపల్లెకు చెందిన పెద్దిరెడ్డి కుటుంబం చీర సాంగెం సమర్పించగా, నాగిరెడ్డిగారిపల్లెకు చెందిన నాగిరెడ్డి కుటుంబం అమ్మవారికి ఆడబిడ్డల సమర్పణగా వడిబ్యాళ్ళు తీసుకొచ్చారు.
ఈ సమర్పణలన్నీ ఊరేగింపుగా అమ్మవారి సన్నిధికి తీసుకెళ్లి, ప్రత్యేక పూజలతో సమర్పించారు. అమ్మవారికి సిద్ధుల బోనం పట్టి మొక్కులు తీర్చుకున్న భక్తులు, తమ ఆధ్యాత్మిక అనుబంధాన్ని గాఢంగా వ్యక్తీకరించారు. అనంతరం నిండు జాతర ప్రారంభమై, పలు సాంస్కృతిక కార్యక్రమాలతో భక్తులను ఆకట్టుకుంటోంది. వేలాది మంది భక్తుల కోసం దాతలు ఏర్పాటు చేసిన అన్నదానం సేవలు పరస్పర ప్రేమ, పంచుబోతుకు ప్రతీకగా నిలుస్తున్నాయి.
Doctorate in Journalism with 29 years of hands-on experience in print, electronic, and digital media, alongside sustained academic engagement as a postgraduate instructor in journalism and communication studies.
