ఇరాన్ కోలుకోలేని స్థితిలో ఉంది: ట్రంప్
DONALD TRUMP
ఇస్లామాబాద్ శాంతి చర్చల వైఫల్యం తర్వాత అమెరికా అధ్యక్షుడు డొనాల్డ్ ట్రంప్ ఇరాన్పై తీవ్ర స్థాయిలో విరుచుకుపడ్డారు. ఇరాన్ ప్రస్తుతం అత్యంత దారుణమైన స్థితిలో ఉందని, ఆ దేశం ఇకపై చమురు అమ్ముకోలేదని, అణ్వాయుధాలను కూడా కలిగి ఉండబోదని ఆయన హెచ్చరించారు. హర్మూజ్ జలసంధిని దిగ్బంధిస్తామన్న హెచ్చరికల నేపథ్యంలో ఇరు దేశాల మధ్య ఉద్రిక్తతలు పతాక స్థాయికి చేరాయి. ప్రపంచం మొత్తం ఈ పరిణామాలను ఉత్కంఠగా గమనిస్తోంది.
US V/S IRAN: చర్చలు విఫలం.. ఇందుకే! ఈ వార్తను కూడా చదవండి
హర్మూజ్ జలసంధి దిగ్బంధనం
ఇరాన్ ఓడరేవులకు వెళ్లే మరియు అక్కడి నుంచి వచ్చే అన్ని రకాల సముద్ర రవాణాను అడ్డుకోవాలని అమెరికా సైన్యం నిర్ణయించింది. ఈ దిగ్బంధనం నేటి రాత్రి నుంచే అమలులోకి రానుంది. అయితే ఇరాన్ తో సంబంధం లేని ఇతర దేశాల నౌకల రాకపోకలకు ఎలాంటి ఆటంకం కలిగించబోమని అమెరికా సైన్యం స్పష్టం చేసింది. రష్యా, సౌదీ అరేబియా కంటే తమ వద్దే ఎక్కువ చమురు నిల్వలు ఉన్నాయని, ఇరాన్ చమురు విక్రయాలను అడ్డుకుంటామని ట్రంప్ ధీమా వ్యక్తం చేశారు.
ఇరాన్ కౌంటర్.. ఇజ్రాయెల్ యుద్ధ సన్నద్ధం
అమెరికా దిగ్బంధనం హెచ్చరికలపై ఇరాన్ నావికాదళం ఘాటుగా స్పందించింది. ట్రంప్ వ్యాఖ్యలు ‘హాస్యాస్పదంగా’ ఉన్నాయని, ప్రాంతంలో అమెరికా కదలికలను తాము నిశితంగా గమనిస్తున్నామని ఇరాన్ నేవీ చీఫ్ షహరామ్ ఇరానీ పేర్కొన్నారు. మరోవైపు, చర్చలు విఫలం కావడంతో ఇజ్రాయెల్ డిఫెన్స్ ఫోర్స్ (IDF) యుద్ధానికి సిద్ధమవుతోంది. ఇరాన్ నుంచి ఎదురయ్యే ఆకస్మిక దాడులను తిప్పికొట్టేందుకు ఇజ్రాయెల్ సైన్యం అప్రమత్తమైంది.
నాటో తీరుపై ట్రంప్ ఆగ్రహం
ఇరాన్ విషయంలో తమకు సహకరించని నాటో (NATO) కూటమిపై ట్రంప్ తీవ్ర అసంతృప్తి వ్యక్తం చేశారు. “నాటో కోసం మేము ఎంతో ఖర్చు చేస్తున్నాం, కానీ మాకు అవసరమైనప్పుడు వారు అక్కడ లేరు” అని ఆయన విమర్శించారు. ట్రూత్ సోషల్ వేదికగా నాటో వైఖరిని ఎండగట్టిన ట్రంప్, భవిష్యత్తులో ఆ కూటమి నుండి అమెరికా వైదొలిగే అవకాశం ఉందన్న సంకేతాలను కూడా ఇచ్చారు. వైట్ హౌస్ ప్రెస్ సెక్రటరీ కూడా ఈ విషయాన్ని ధృవీకరించడం అంతర్జాతీయ రాజకీయాల్లో ప్రకంపనలు సృష్టిస్తోంది.
#Trump #Iran #HormuzStrait #GlobalNews #USMilitary #WarAlert #InternationalRelations
US V/S IRAN: చర్చలు విఫలం.. ఇందుకే! ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
