ఫిబ్రవరి 6న ‘సుమతీ శతకం’ గ్రాండ్ రిలీజ్..
విజన్ మూవీ మేకర్స్ బ్యానర్పై సాయి సుధాకర్ కొమ్మాలపాటి నిర్మాణంలో, ఎం.ఎం. నాయుడు దర్శకత్వంలో రూపొందిన క్లీన్ ఫ్యామిలీ ఎంటర్టైనర్ ‘సుమతీ శతకం’ విడుదలకు సిద్ధమైంది. బిగ్ బాస్ ఫేమ్ అమర్దీప్ చౌదరి, శైలి చౌదరి జంటగా నటించిన ఈ చిత్రం ఫిబ్రవరి 6న ప్రపంచవ్యాప్తంగా థియేటర్లలో సందడి చేయనుంది. ఇప్పటికే విడుదలైన టీజర్, ట్రైలర్ మరియు పాటలకు ఆడియన్స్ నుండి అద్భుతమైన రెస్పాన్స్ లభించడంతో సినిమాపై ఇండస్ట్రీలో పాజిటివ్ వైబ్స్ కనిపిస్తున్నాయి. ముఖ్యంగా ప్రముఖ నిర్మాణ సంస్థ మైత్రి మూవీ మేకర్స్ ఈ చిత్రాన్ని డిస్ట్రిబ్యూట్ చేస్తుండటం విశేషం.
అమర్దీప్ చౌదరి కెరీర్లో కీలక చిత్రం
చాలా ఏళ్ల కష్టపడి సామాన్య స్థాయి నుండి హీరోగా ఎదిగిన అమర్దీప్ చౌదరికి ఈ సినిమా ఎంతో ప్రతిష్టాత్మకం. మాస్ మహారాజ్ రవితేజను స్ఫూర్తిగా తీసుకుని ఇండస్ట్రీలోకి వచ్చిన అమర్దీప్, ఈ సినిమాలో తన డ్యాన్సులతోనూ మెప్పించబోతున్నారు. తనకు అవకాశం ఇచ్చిన నిర్మాత సాయి సుధాకర్, దర్శకుడు నాయుడులకు ఆయన కృతజ్ఞతలు తెలిపారు. ఈ సినిమాలో ప్రతి పాత్రకు ఒక ప్రాధాన్యత ఉంటుందని, ఫ్యామిలీ ఆడియన్స్కు ఇది బాగా నచ్చుతుందని అమర్దీప్ ధీమా వ్యక్తం చేశారు.
అందరికీ అందుబాటులో టికెట్ ధరలు
సామాన్య ప్రేక్షకులకు కూడా సినిమా చేరువ కావాలనే ఉద్దేశంతో నిర్మాత కొమ్మాలపాటి సాయి సుధాకర్ టికెట్ ధరలను చాలా తక్కువగా నిర్ణయించారు. సింగిల్ థియేటర్లలో రూ. 100, మల్టీప్లెక్స్లలో రూ. 150 ధరలకే ఈ సినిమా అందుబాటులో ఉండనుంది. సెన్సార్ బోర్డు నుండి వచ్చిన పాజిటివ్ ఫీడ్బ్యాక్ తమ నమ్మకాన్ని మరింత పెంచిందని ఆయన తెలిపారు. తెలుగుతో పాటు కన్నడలో కెవిఎన్, తమిళంలో జికె డిస్ట్రిబ్యూటర్స్ ద్వారా ఈ చిత్రం విడుదల కాబోతోంది.
సాంకేతిక నిపుణుల ప్రతిభ.. ఆకట్టుకుంటున్న సంగీతం
ఈ చిత్రానికి సుభాష్ ఆనంద్ అందించిన సంగీతం మేజర్ ప్లస్ పాయింట్గా నిలిచింది. ఇప్పటికే పాటలు చార్ట్ బస్టర్స్గా నిలిచాయి. రాయలసీమ ప్రాంతంలో చేసిన ప్రమోషన్స్ టూర్కు కూడా మంచి స్పందన లభించింది. టేస్టీ తేజ, మహేష్ విట్టా వంటి నటులు ఉండటంతో వినోదానికి కూడా పెద్దపీట వేసినట్లు తెలుస్తోంది. హీరోయిన్ శైలి చౌదరి తనకు తెలుగు రాకపోయినా ఎంతో కష్టపడి తన పాత్రకు న్యాయం చేశానని, తన పాత్ర ప్రేక్షకులకు కచ్చితంగా కనెక్ట్ అవుతుందని పేర్కొన్నారు.
#SumathiShatakam #AmardeepChowdary #MythriMovieMakers #NewMovieRelease #TeluguCinema #FamilyEntertainer #TollywoodUpdates #TastyTeja #Feb6Release
Experienced sub-editor with a proven track record in major publications, specializing in sharp analytical pieces and deep-dive investigative journalism.
