Lakshmi MS, Tirupati పండుగ పూట సొంతూళ్లకు వెళ్లే ప్రయాణీకుల అవసరాలను ఆసరాగా చేసుకుని ప్రైవేట్ ట్రావెల్స్ యజమానులు భారీగా ఛార్జీలు పెంచేశారని ఆరోపణలు వెల్లువెత్తుతున్నాయి.
సాధారణ రోజుల్లో ఉన్న ఛార్జీల కంటే ప్రస్తుతం 4 రెట్లు అధికంగా వసూలు చేస్తున్నారు. ఉదాహరణకు, సాధారణంగా రూ. 1000 ఉండే టికెట్ ధరను ఇప్పుడు రూ. 3000 నుండి రూ. 4000 వరకు పెంచేశారు. పండుగకు ఊరెళ్లడం తప్పనిసరి కావడంతో, ప్రైవేట్ ఆపరేటర్లు చేసే ఈ ‘దోపిడీ’పై ప్రయాణీకులు తీవ్ర ఆగ్రహం వ్యక్తం చేస్తున్నారు. ఇది పండుగ ప్రయాణం కాదు, ప్రయాణీకుల జేబులకు చిల్లు పెట్టడమేనని మండిపడుతున్నారు. హైదరాబాద్ నుండి విజయవాడ, విశాఖపట్నం, రాజమండ్రి, తిరుపతి, బెంగళూరు వంటి ప్రధాన నగరాలకు వెళ్లే బస్సుల్లో టికెట్ రేట్లు ఆకాశాన్ని తాకుతున్నాయి. స్లీపర్ క్లాస్ బస్సుల్లో రేట్లు మరీ దారుణంగా ఉన్నాయి.
ఏటా పండుగ సీజన్లో ప్రైవేట్ ట్రావెల్స్ ఇలాగే వ్యవహరిస్తున్నాయని, రవాణా శాఖ అధికారులు తనిఖీలు చేసి ఈ దోపిడీని అరికట్టాలని ప్రయాణీకులు డిమాండ్ చేస్తున్నారు.
ప్రభుత్వ బస్సుల ఏర్పాటు
ప్రైవేట్ దోపిడీని తట్టుకోవడానికి ఏపీఎస్ఆర్టీసీ (APSRTC), టీజీఎస్ఆర్టీసీ (TGSRTC) ఇప్పటికే వేలాది ప్రత్యేక బస్సులను ఏర్పాటు చేశాయి. అయితే, వాటిలో కూడా ముందస్తు రిజర్వేషన్లు అయిపోవడంతో సామాన్యులు ప్రైవేట్ బస్సులను ఆశ్రయించక తప్పని పరిస్థితి ఏర్పడింది.
#Sankranti2026 #PrivateBusFares #TravelShock #FestivalLooting #APSRTC #TGSRTC #SankrantiTravel #TransportScam #TeluguNews
Gayathri M, Vijayawada 
PY Reddy