పశ్చిమాసియాలో యుద్ధ మేఘాలు: ప్రధాని మోడీ అత్యవసర భేటీ.. 

పశ్చిమాసియాలో ఇజ్రాయెల్-ఇరాన్ మధ్య నెలకొన్న ఉద్రిక్త పరిస్థితులు ప్రపంచవ్యాప్తంగా కలకలం రేపుతున్నాయి. ఈ పరిణామాలను నిశితంగా గమనిస్తున్న భారత ప్రభుత్వం అప్రమత్తమైంది. ప్రధాని నరేంద్ర మోడీ అధ్యక్షతన ఆదివారం రాత్రి అత్యున్నత స్థాయి భద్రతా వ్యవహారాల క్యాబినెట్ కమిటీ (CCS) సమావేశం కానుంది. తమిళనాడు పర్యటన ముగించుకుని ఢిల్లీ చేరుకోనున్న ప్రధాని, సేవాతీర్థ్‌లో ఈ కీలక భేటీ నిర్వహించనున్నారు. యుద్ధం ముదిరితే తలెత్తే పరిణామాలు, ముఖ్యంగా గల్ఫ్ దేశాల్లో ఉన్న లక్షలాది మంది భారతీయుల రక్షణపై ఈ సమావేశంలో కీలక నిర్ణయాలు తీసుకునే అవకాశం ఉంది.

యుద్ధం ముంగిట పశ్చిమాసియా.. భారత్ హై అలర్ట్

ఇజ్రాయెల్, ఇరాన్ మధ్య దాడులు ప్రతిదాడులతో పశ్చిమాసియా అట్టుడుకుతోంది. ఈ పరిస్థితులు అంతర్జాతీయ విమానయానం, చమురు ధరలపై తీవ్ర ప్రభావం చూపే అవకాశం ఉండటంతో భారత్ ముందస్తు చర్యలకు సిద్ధమైంది. దేశ భద్రతకు సంబంధించి అత్యున్నత నిర్ణయాలు తీసుకునే సీసీఎస్ సమావేశంలో రక్షణ శాఖ, విదేశీ వ్యవహారాల శాఖ మంత్రులు పాల్గొని ప్రస్తుత స్థితిగతులను ప్రధానికి వివరించనున్నారు.

గల్ఫ్ దేశాల్లోని భారతీయుల క్షేమమే ప్రధాని ప్రాధాన్యత

గల్ఫ్ దేశాల్లో కోట్లాది మంది భారతీయులు ఉపాధి పొందుతున్నారు. యుద్ధం తీవ్రత పెరిగితే వారిని క్షేమంగా స్వదేశానికి తరలించడానికి అవసరమైన ‘ఎవాక్యుయేషన్ ప్లాన్’ (తర్లింపు ప్రణాళిక) గురించి ఈ సమావేశంలో సుదీర్ఘంగా చర్చించనున్నారు. ఇప్పటికే ఆయా దేశాల్లోని భారత రాయబార కార్యాలయాలను కేంద్రం అప్రమత్తం చేసింది. భారతీయులకు ఎలాంటి ఇబ్బంది కలగకుండా విదేశాంగ శాఖ తీసుకుంటున్న చర్యలను మోడీ సమీక్షించనున్నారు.

అంతర్జాతీయ స్థాయిలో భారత్ దౌత్య నీతి

యుద్ధం వల్ల ప్రపంచ ఆర్థిక వ్యవస్థ దెబ్బతినకుండా ఉండేందుకు, ఇరు దేశాలు సంయమనం పాటించేలా భారత్ తన దౌత్య పరమైన ఒత్తిడిని తీసుకువచ్చే అవకాశం ఉంది. పశ్చిమాసియాలో శాంతి నెలకొనడానికి భారత్ పోషించాల్సిన పాత్రపై కూడా ఈ సమావేశంలో స్పష్టత రానుంది. ఈ భేటీ తర్వాత కేంద్ర ప్రభుత్వం అధికారికంగా కీలక ప్రకటన చేసే అవకాశం ఉందని సమాచారం.
#PMModi #CCSMeeting #IsraelIranWar #MiddleEast #SecurityAlert #IndiansInGulf #Narendra Modi #BreakingNews #IndiaSafe

Saran Kumar Thalapula

Experienced sub-editor with a proven track record in major publications, specializing in sharp analytical pieces and deep-dive investigative journalism.