‘వృషకర్మ’తో నాగ చైతన్య విశ్వరూపం
‘వృషకర్మ’తో నాగ చైతన్య విశ్వరూపం
యువ సామ్రాట్ నాగ చైతన్య హీరోగా, ‘విరూపాక్ష’ ఫేమ్ కార్తీక్ దండు దర్శకత్వంలో తెరకెక్కుతున్న అత్యంత భారీ మిథికల్ థ్రిల్లర్ ‘వృషకర్మ’. ఎస్వీసీసీ (SVCC), సుకుమార్ రైటింగ్స్ సంయుక్తంగా నిర్మిస్తున్న ఈ చిత్రంపై మొదటి నుంచి భారీ అంచనాలు ఉన్నాయి. తాజాగా విడుదలైన చిత్ర గ్లింప్స్ వెన్నులో వణుకు పుట్టించే విజువల్స్ తో సోషల్ మీడియాలో ప్రకంపనలు సృష్టిస్తోంది. ఈ గ్లింప్స్ లాంచ్ ఈవెంట్లో నాగ చైతన్య మాట్లాడుతూ సినిమా అవుట్పుట్ పట్ల తన ధీమాను వ్యక్తం చేశారు.
వెన్నులో వణుకు పుట్టించే గ్లింప్స్
గ్లింప్స్ ప్రారంభమే ఒక భయానకమైన సన్నివేశంతో మొదలైంది. ఒక దుష్ట శక్తి ప్రభావంలో ఉన్న వ్యక్తి చిత్రం గీయడం, అతని లోపల నుంచి ఒక భయంకరమైన శక్తి గబ్బిలం రూపంలో బయటకు వచ్చి మరో వ్యక్తిని అంతం చేయడం చూస్తుంటే సినిమా ఏ స్థాయిలో ఉండబోతుందో అర్థమవుతోంది. ‘సృష్టి ధర్మం తప్పినప్పుడు విధి ఒక వృషకర్మను ఎంచుకుంటుంది’ అనే డైలాగ్ కథా గమనాన్ని పరిచయం చేసింది. నాగ చైతన్య లుక్, అజనీష్ లోక్నాథ్ బ్యాక్ గ్రౌండ్ స్కోర్ ఈ గ్లింప్స్ను మరో స్థాయికి తీసుకెళ్లాయి.
కెరీర్ బెస్ట్ మూవీ.. చైతూ కల నెరవేరింది
నాగ చైతన్య మాట్లాడుతూ, “ఇంత పెద్ద స్కేల్లో ఒక మిథికల్ థ్రిల్లర్ చేయాలని నాకు ఎప్పటి నుంచో కోరిక ఉండేది, అది ‘వృషకర్మ’తో తీరింది” అని వెల్లడించారు. కార్తీక్ దండు ఒక బ్రిలియంట్ ఫిలిం మేకర్ అని, స్క్రిప్ట్ విన్నప్పుడే తన మైండ్ బ్లాక్ అయిందని చెప్పారు. ఇది తన కెరీర్లోనే 100% బెస్ట్ మూవీ అవుతుందని, నిర్మాతలు ఎక్కడా కాంప్రమైజ్ కాకుండా ఈ చిత్రాన్ని లార్జర్ దేన్ లైఫ్ విజువల్స్తో నిర్మించారని కొనియాడారు.
క్లైమాక్స్పై నాగ చైతన్య ప్రామిస్
ఈ సినిమా క్లైమాక్స్ గురించి చైతన్య చేసిన వ్యాఖ్యలు ఇప్పుడు హాట్ టాపిక్ గా మారాయి. “వృషకర్మ చివరి 30 నిమిషాల క్లైమాక్స్ ఇండియన్ సినిమాలో ఒక బెంచ్ మార్క్ అవుతుంది, ఇది నా ప్రామిస్” అంటూ ప్రేక్షకుల్లో కుతూహలాన్ని పెంచారు. మీనాక్షి చౌదరి, జయరాం, సత్య వంటి అద్భుతమైన నటీనటులు ఈ చిత్రంలో ఉన్నారని, రాజీవ్ అందించిన వీఎఫ్ఎక్స్ (VFX) హాలీవుడ్ స్థాయిలో ఉంటాయని ఆయన చెప్పుకొచ్చారు.
NagaChaitanya #Vrushakarma #KarthikDandu #SukumarWritings #TollywoodUpdates #VrushakarmaGlimpse #MythicalThriller #YuvaSamrat #MeenakshiChaudhary
