విద్యాదానమే మహాదానం: టీటీడీ ట్రస్ట్‌కు రూ. 1 కోటి విరాళం!

విజ్ఞాన్స్ విద్యాసంస్థల అధినేత లావు రత్తయ్య ఉదారత. చైర్మన్ బి.ఆర్. నాయుడుకు అందజేసిన విరాళం డి.డి.

విద్యార్థుల భవిష్యత్తు కోసం విరాళం

ప్రముఖ విద్యాసంస్థలు ‘విజ్ఞాన్స్’ (Vignan’s Institutions) అధినేత లావు రత్తయ్య టీటీడీ ఆధ్వర్యంలో నడిచే శ్రీ వేంకటేశ్వర విద్యాదాన ట్రస్ట్‌కు భారీ విరాళాన్ని అందజేశారు. బుధవారం (31-12-2025) తిరుమలలోని చైర్మన్ క్యాంప్ కార్యాలయంలో టీటీడీ చైర్మన్ బి.ఆర్. నాయుడుని మర్యాదపూర్వకంగా కలిసిన ఆయన, సంస్థ తరపున రూ. 1,01,11,111 (కోటి ఒక లక్షా పదకొండు వేల నూట పదకొండు రూపాయలు) విరాళానికి సంబంధించిన డిమాండ్ డ్రాఫ్ట్ (DD)ని అందజేశారు.

దాతకు చైర్మన్ కృతజ్ఞతలు

విద్యా రంగానికి, సమాజ సేవకు విజ్ఞాన్స్ సంస్థలు అందిస్తున్న సహకారాన్ని చైర్మన్ బి.ఆర్. నాయుడు గారు కొనియాడారు. ఇంతటి భారీ మొత్తాన్ని విద్యాదాన ట్రస్ట్‌కు అందజేసినందుకు లావు రత్తయ్య గారిని ఆయన ప్రత్యేకంగా అభినందించారు. స్వామివారి ప్రసాదాన్ని అందజేసి, వేద పండితుల ఆశీర్వచనాలు ఇప్పించారు.

#TirumalaDonations #VignansInstitutions #LavuRathaiah #TTDNews #VidyadanaTrust #EducationFirst

Saran Kumar Thalapula