భారత నౌకాదళం అమ్ముల పొదిలోకి ‘ఐఎన్ఎస్ తారగిరి’
భారత నౌకాదళ శక్తిని ప్రపంచస్థాయికి తీసుకెళ్లే మరో అస్త్రం సిద్ధమైంది. అత్యాధునిక సాంకేతికతతో రూపొందించిన నీలగిరి శ్రేణి స్టెల్త్ ఫ్రిగేట్ ‘ఐఎన్ఎస్ తారగిరి’ (F41) త్వరలోనే అధికారికంగా నౌకాదళంలో చేరనుంది. ఏప్రిల్ 3న రక్షణ శాఖ మంత్రి రాజ్నాథ్ సింగ్ ఈ యుద్ధనౌకను ప్రారంభించనున్నారు.
ప్రాజెక్ట్ 17A తరగతికి చెందిన నాలుగో ఫ్రిగేట్ యుద్ధనౌకగా తారగిరి రికార్డు సృష్టించింది. ముంబయిలోని మజగావ్ డాక్ షిప్బిల్డర్స్ లిమిటెడ్ (MDL) నిర్మించిన ఈ నౌక, భారత రక్షణ రంగంలో ‘ఆత్మనిర్భర్ భారత్’ సంకల్పానికి నిదర్శనంగా నిలుస్తోంది. సుమారు 75 శాతం స్వదేశీ సాంకేతిక పరిజ్ఞానంతో తయారైన ఈ నౌక బరువు సుమారు 6,670 టన్నులు.
దేశంలో పెట్రో బాంబ్: ప్రీమియం పెట్రోల్ ధరలు భారీగా పెంపు! ఈ వార్తను కూడా చదవండి
తారగిరి ప్రత్యేకతలు ఇవే
- రాడార్కు దొరకని డిజైన్: ఆధునిక స్టెల్త్ డిజైన్ వల్ల ఈ నౌకను శత్రువుల రాడార్లు గుర్తించడం చాలా కష్టం.
- సూక్ష్మ పరిశ్రమల భాగస్వామ్యం: దేశవ్యాప్తంగా సుమారు 200 సూక్ష్మ, చిన్న, మధ్య తరహా పరిశ్రమల (MSME) సహకారంతో ఈ యుద్ధనౌక నిర్మాణం జరగడం విశేషం.
- శక్తివంతమైన ఇంజిన్: కంబైన్డ్ డీజిల్ లేదా గ్యాస్ (CODOG) ఇంజిన్ వ్యవస్థతో ఇది పనిచేస్తుంది. ఇది హై-స్పీడ్ మరియు సుదీర్ఘ కాలం సముద్రంలో ప్రయాణించే సామర్థ్యాన్ని కలిగి ఉంటుంది.
విధ్వంసకర ఆయుధ వ్యవస్థ
తారగిరి కేవలం రక్షణకే కాదు, శత్రువులను అటాక్ చేయడంలోనూ మొనగాడు. ఇందులో ఉపరితలం నుంచి ఉపరితలానికి ప్రయోగించే సూపర్సోనిక్ క్షిపణులు, గగనతలానికి ప్రయోగించే మధ్యశ్రేణి క్షిపణులు మరియు శక్తివంతమైన యాంటీ-సబ్మెరైన్ వార్ఫేర్ (ASW) వ్యవస్థలు ఉన్నాయి. అత్యాధునిక ‘కంబాట్ మేనేజ్మెంట్ సిస్టమ్’ ద్వారా సిబ్బంది శత్రువుల ముప్పును అత్యంత కచ్చితత్వంతో తిప్పికొట్టగలరు.
బహుముఖ ప్రయోజనాలు
యుద్ధ తంత్రాలతో పాటు, మానవతా సాయం, విపత్తు నిర్వహణ మరియు అంతర్జాతీయ సముద్ర దౌత్య కార్యక్రమాల్లోనూ తారగిరి కీలక పాత్ర పోషించనుంది. హిందూ మహాసముద్రంలో పెరుగుతున్న సవాళ్లను ఎదుర్కోవడంలో మరియు దేశ సముద్ర సరిహద్దులను రక్షించడంలో ఐఎన్ఎస్ తారగిరి భారత నౌకాదళానికి వెన్నుముకగా నిలవనుంది.
INSTaragiri #IndianNavy #MakeInIndia #DefenceNews #StealthFrigate #AtmanirbharBharat #MaritimeSecurity #RajnathSingh
దేశంలో పెట్రో బాంబ్: ప్రీమియం పెట్రోల్ ధరలు భారీగా పెంపు! ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
