వీసా రద్దయ్యిందని ఎయిర్‌పోర్ట్‌లోనే
న్యూఢిల్లీ: అమెరికాలోని న్యూయార్క్ ఎయిర్‌పోర్ట్‌లో ఒక భారత విద్యార్థికి అత్యంత అవమానకర పరిస్థితి ఎదురైంది. వీసా (Visa) రద్దయిందని కారణంతో అక్కడి పోలీసులు (Police) అతడిని అదుపులోకి తీసుకున్నారు. విమానంలో దిగిన వెంటనే విద్యార్థిని నేలపై పడుకోబెట్టి, చేతులకు హ్యాండ్‌కఫ్స్ (Handcuffs) వేసి, నేరస్థుడిగా వ్యవహరించారు.
ఈ దృశ్యాన్ని కునాల్ జైన్ అనే ప్రవాస భారతీయుడు వీడియో తీసి సోషల్‌మీడియా (Social Media)లో పోస్ట్ చేశారు. వీడియోలో కనిపించిన విద్యార్థి హర్యానా రాష్ట్రానికి చెందిన వ్యక్తిగా అనిపించాడని పేర్కొన్నారు. ఆ యువకుడు అమెరికాకు తన కలలను సాకారం చేసుకోవడానికి వచ్చానని, ఎవరికి హాని చేయాలని రాలేదని అంటున్నా, అధికారులూ అతడిని ఓ నేరస్థుడిలా వేధించారని ఆయన తెలిపారు.
విద్యార్థి కన్నీటి పర్యంతమవుతున్నా ఆయన చెప్పిన మాటలను పట్టించుకోకుండా తిరిగి వెనక్కి పంపించారంటూ బాధ్యతారహితంగా వ్యవహరించిన విధానం పట్ల తీవ్ర ఆవేదన వ్యక్తం చేశారు. ఇది చూసిన తనకు నిస్సహాయంగా ఉండాల్సి వచ్చిందని, ప్రత్యక్ష సాక్షిగా స్పందించలేని స్థితిలో ఉండిపోయినట్టు చెప్పారు.
ఈ ఘటనపై భారత విదేశాంగ శాఖ తక్షణం స్పందించి వివరణ కోరాలని కునాల్ డిమాండ్ చేశారు. అమెరికాలో విద్యార్థులపై ఇలాంటి అత్యాచార వహిత వ్యవహారాలపై (Inhumane Treatment) కేంద్ర ప్రభుత్వం వెంటనే స్పందించాలని అభ్యర్థించారు.
