విరుచుకుపడ్డ వరదలు : మునిగిన మణిపూర్ నగరం 

వానలు వానలుగా కురిసే వానాకాలం మణిపూర్‌ను ముంచెత్తింది. ఈశాన్య రాష్ట్రంలో విరుచుకుపడుతున్న భారీ వర్షాల వల్ల నదులు పొంగిపొర్లుతున్నాయి. ముఖ్యంగా ఇంఫాల్ నది ఉప్పొంగి నగరాలను ముంచివేసింది. మణిపూర్ ప్రజలు ప్రకృతి ప్రకోపానికి గురవుతూ అసౌకర్యాలతో సతమతమవుతున్నారు. ప్రభుత్వ యంత్రాంగం అప్రమత్తంగా తక్షణ చర్యలకు దిగింది.

నదులు ఉప్పొంగి, లోతట్టు ప్రాంతాలు మునిగిపోయినవి

గత కొన్ని రోజులుగా ఎడతెరిపిలేకుండా కురిసిన వర్షాలతో ఇంఫాల్ నది గట్టులను దాటింది. ఫలితంగా ఇంఫాల్ వెస్ట్, ఇంఫాల్ ఈస్ట్ జిల్లాల్లోని లోతట్టు ప్రాంతాలు పూర్తిగా నీట మునిగాయి. ప్రజలకు ముందస్తుగా హెచ్చరికలు జారీ చేసిన ప్రభుత్వం, ప్రమాదభరిత ప్రాంతాల్లో జాగ్రత్త చర్యలు చేపట్టింది. నీటి మట్టాలు పెరుగుతుండటంతో అధికారులు పరిస్థితిని క్షుణ్ణంగా గమనిస్తున్నారు.

🚨Continuous rainfall has led to widespread #flooding in #Manipur, disrupting daily life.@LOCAL_India_23 member @PrdaManipur1988 is responding on the ground! pic.twitter.com/UiHMiEYiem

— Humanitarian Aid International (@humanaidint) May 31, 2025

నీట మునిగిన ఇంఫాల్ నగరం , ప్రజలకు తీవ్ర ఇబ్బందులు

ఇంఫాల్ నగరంలో భారీగా నీరు నిలిచిపోవడంతో రహదారి రాకపోకలు స్తంభించాయి. ప్రజలు భారీ ట్రాఫిక్ జామ్‌లతో ఇబ్బందులు ఎదుర్కొంటున్నారు. అత్యవసర సేవలు కూడా ప్రభావితమయ్యాయి. భారత వాతావరణ శాఖ వరుసగా భారీ వర్షాలనుందని హెచ్చరించగా, ప్రభుత్వం సహాయక చర్యల కోసం ప్రత్యేక కంట్రోల్ రూమ్ (0385-2451550) ఏర్పాటు చేసింది. పౌరులు ఇంట్లోనే ఉండాలని, అధికారిక సమాచారం ద్వారా అప్డేట్లు తెలుసుకోవాలని ప్రభుత్వం విజ్ఞప్తి చేసింది.

PY Reddy

Doctorate in Journalism with 29 years of hands-on experience in print, electronic, and digital media, alongside sustained academic engagement as a postgraduate instructor in journalism and communication studies.