చిత్తూరు జిల్లాలో ఎస్సీ పరీక్షలకు సర్వసిద్ధం

చిత్తూరు జిల్లాలో మార్చి 16 నుంచి ఏప్రిల్ 1 వరకు నిర్వహించనున్న ఎస్సీ (పదో తరగతి) పబ్లిక్ పరీక్షల నిర్వహణకు అన్ని ఏర్పాట్లు పూర్తయ్యాయి. ప్రశాంత వాతావరణంలో పరీక్షలు జరిగేలా అన్ని శాఖలు సమన్వయంతో పనిచేయాలని జిల్లా కలెక్టర్ సుమిత్ కుమార్ అధికారులను ఆదేశించారు. విద్యార్థులు సకాలంలో పరీక్ష కేంద్రాలకు చేరుకోవాలని, మంచి ఫలితాలు సాధించాలని ఆయన కోరారు. జిల్లాలో మొత్తం 129 పరీక్షా కేంద్రాలు ఏర్పాటు చేశారు. పరీక్షల సమయం ఉదయం 9:30 నుంచి మధ్యాహ్నం 12:45 వరకు ఉంటుంది.

పరీక్షల నిర్వహణకు కట్టుదిట్ట ఏర్పాట్లు జిల్లా కలెక్టర్ సుమిత్ కుమార్ గురువారం సాయంత్రం కలెక్టరేట్‌లోని నాగార్జున ఐఏఎస్ వీడియో కాన్ఫరెన్స్ హాల్ నుంచి సంబంధిత అధికారులతో టెలికాన్ఫరెన్స్ నిర్వహించారు. పరీక్షలు ప్రశాంతంగా, నిర్భయంగా జరిగేలా చూడాలని ఆదేశించారు. ప్రతి పరీక్షా కేంద్రం వద్ద 144 సెక్షన్ అమలు ఉంటుందని స్పష్టం చేశారు. డీఆర్ఓ మోహన్ కుమార్, డీఈఓ రాజేంద్రప్రసాద్ తదితర అధికారులు ఈ సమావేశంలో పాల్గొన్నారు.

129 కేంద్రాల్లో 24,931 మంది విద్యార్థులు చిత్తూరు జిల్లాలో ఎస్సీ పరీక్షలకు రెగ్యులర్, ప్రైవేట్ విద్యార్థులతో కలిపి మొత్తం 24,931 మంది హాజరవుతున్నారు. ఏ కేటగిరి కేంద్రాలు 44, బి కేటగిరి 41, సి కేటగిరి 43గా ఏర్పాటు చేశారు. విద్యార్థులు సకాలంలో పరీక్షా కేంద్రాలకు చేరుకుని, పరీక్షల్లో మంచి ఫలితాలు సాధించాలని కలెక్టర్ సుమిత్ కుమార్ ఆశాభావం వ్యక్తం చేశారు.

పరీక్షల షెడ్యూల్ వివరాలు పరీక్షలు మార్చి 16, 2026 నుంచి ఏప్రిల్ 1, 2026 వరకు జరుగనున్నాయి.

• 16.03.2026 (సోమవారం): మొదటి భాషా పేపర్-1 (కాంపోజిట్ కోర్స్)
• 18.03.2026 (బుధవారం): రెండవ భాష
• 21.03.2026 (శనివారం): ఇంగ్లీష్
• 23.03.2026 (సోమవారం): గణితం
• 25.03.2026 (బుధవారం): భౌతిక శాస్త్రం
• 28.03.2026 (శనివారం): జీవశాస్త్రం
• 30.03.2026 (సోమవారం): సాంఘిక శాస్త్రం
• 31.03.2026 (మంగళవారం): మొదటి భాషా పేపర్-2
• 01.04.2026 (బుధవారం): ఓఎస్ఎస్సీ ప్రధాన భాషా పేపర్-1, సంస్కృతం, అరబిక్, పర్షియన్

  #SSCExams2026 #ChittoorDistrict #APSSC #10thClassExams #CollectorSumitKumar #EducationAndhraPradesh #ExamPreparation #ChittoorNews

Saran Kumar Thalapula