బ్లాక్బస్టర్ చేసిన ప్రేక్షకులకు కృతజ్ఞతలు: ‘BMW’ సక్సెస్ మీట్
సంక్రాంతి విజేతగా నిలిచిన రవితేజ ‘భర్త మహాశయులకు విజ్ఞప్తి’.. టీమ్ మొత్తం హర్షం!
నవ్వుల విందుతో బాక్సాఫీస్ వద్ద రచ్చ మాస్ మహారాజా రవితేజ, కిషోర్ తిరుమల కాంబినేషన్లో వచ్చిన ‘భర్త మహాశయులకు విజ్ఞప్తి’ (BMW) చిత్రం సంక్రాంతి బ్లాక్బస్టర్గా దూసుకుపోతోంది. జనవరి 13న విడుదలైన ఈ సినిమా అద్భుతమైన వసూళ్లను సాధించడమే కాకుండా, ఫ్యామిలీ ఆడియన్స్ను థియేటర్లకు రప్పిస్తోంది. ఈ విజయం పట్ల సంతోషం వ్యక్తం చేస్తూ చిత్ర బృందం ‘సంక్రాంతి బ్లాక్బస్టర్ మీట్’ నిర్వహించింది.
ఈ సందర్భంగా రవితేజ మాట్లాడుతూ.. “ఈ సినిమాను ఇంత పెద్ద హిట్ చేసిన ప్రేక్షక మహాశయులకు నా కృతజ్ఞతలు. సంక్రాంతికి ఇది ఒక ఫుల్ ఎంటర్టైనర్. కిషోర్ తిరుమల ఆర్గానిక్ కామెడీని చాలా బాగా రాశారు. జంధ్యాల, బాలు మహేంద్ర గారి సినిమాల ఫ్లేవర్ ఇందులో కనిపిస్తుంది. డింపుల్, ఆషిక తమ పాత్రల్లో అద్భుతంగా నటించారు” అని కొనియాడారు. భీమ్స్ సిసిరోలియో అందించిన మ్యూజిక్ కూడా సినిమా విజయానికి తోడ్పడిందని ఆయన పేర్కొన్నారు.
కామెడీకి బ్రహ్మరథం పడుతున్న ప్రేక్షకులు దర్శకుడు కిషోర్ తిరుమల మాట్లాడుతూ, థియేటర్ విజిట్స్కు వెళ్ళినప్పుడు ప్రేక్షకులు నాన్స్టాప్గా నవ్వుతుండటం చూసి చాలా ఆనందంగా అనిపించిందన్నారు. ప్రతి క్యారెక్టర్కు మంచి రెస్పాన్స్ వస్తోందని తెలిపారు. హీరోయిన్ డింపుల్ హయతి మాట్లాడుతూ, తాను చేసిన ‘బాలమణి’ క్యారెక్టర్తో మహిళా ప్రేక్షకులు బాగా రిలేట్ అవుతున్నారని, రవితేజతో కలిసి రెండోసారి పనిచేయడం సంతోషంగా ఉందని చెప్పారు.
నటుడు సునీల్ మాట్లాడుతూ, చాలా కాలం తర్వాత తన కామెడీని ప్రేక్షకులు విపరీతంగా ఎంజాయ్ చేస్తున్నారని, తన మిత్రులు ఫోన్ చేసి అభినందిస్తున్నారని తెలిపారు. రవితేజ అనే రేస్ కారును కిషోర్ ఫ్యామిలీ ట్రాక్లో పెట్టి సక్సెస్ చేశారని చమత్కరించారు. నిర్మాత సుధాకర్ చెరుకూరి మాట్లాడుతూ, భారీ పోటీ మధ్య కూడా తమ సినిమాను పెద్ద హిట్ చేసినందుకు ధన్యవాదాలు తెలిపారు.
#RaviTeja #BMWBlockbuster #BharthaMahasayulakuWignyapthi #Sankranthi2026 #TollywoodSuccess
Experienced sub-editor with a proven track record in major publications, specializing in sharp analytical pieces and deep-dive investigative journalism.
