ఆంధ్ర పల్స్ AIADMK BJP Alliance Seat Sharing Updates TN Elections 2026

తమిళనాడు రాజకీయాల్లో కీలక పరిణామం చోటుచేసుకుంది. రాబోయే ఎన్నికల కోసం బీజేపీ మరియు ఇతర మిత్రపక్షాలతో సీట్ల సర్దుబాటును మరో నాలుగు రోజుల్లో ఖరారు చేస్తామని ఏఐఏడీఎంకే (AIADMK) ప్రధాన కార్యదర్శి ఎడప్పాడి కె. పళనిస్వామి (EPS) ప్రకటించారు.

తమిళనాడులో ఎన్నికల వేడి తారస్థాయికి చేరింది. ప్రధాన ప్రతిపక్షం ఏఐఏడీఎంకే, తన మిత్రపక్షమైన బీజేపీ, ఇతర పార్టీలతో సీట్ల సర్దుబాటును తుది దశకు చేర్చింది. ఢిల్లీ పర్యటనలో ఉన్న ఎడప్పాడి పళనిస్వామి శుక్రవారం మీడియాతో మాట్లాడుతూ, రాబోయే నాలుగు రోజుల్లో ఏ పార్టీకి ఎన్ని సీట్లు, ఏయే నియోజకవర్గాలు కేటాయించామనేది అధికారికంగా ప్రకటిస్తామని వెల్లడించారు.

అమిత్ షాతో కీలక భేటీ

తమిళనాడులో ఈ పర్యాయం ఎన్నికలను ఎదుర్కోవాలంటే పొత్తులు చాలా ముఖ్యమని అటు బీజేపీకి, ఇటు అన్నాడిఎంకేకు తెలియవచ్చింది. అందుకే గురువారం రాత్రి కేంద్ర హోంమంత్రి అమిత్ షా నివాసంలో ఆయనతో పళనిస్వామి సుదీర్ఘంగా చర్చలు జరిపారు. ఈ చర్చల గురించి ఆయన స్పందించారు.

“చర్చలు అత్యంత సాఫీగా సాగుతున్నాయి. మా మధ్య ఎటువంటి విభేదాలు లేవు. డీఎంకే కూటమిలో ఉన్నట్లు ఇక్కడ గందరగోళం లేదు. గెలుపు గుర్రాలకే సీట్లు కేటాయించడమే మా ప్రధాన లక్ష్యం” అని పీఎస్ స్పష్టం చేశారు.

లక్ష్యం ఒక్కటే.. గెలుపు

మిత్రపక్షాలకు బలమున్న స్థానాలను గుర్తించి, అక్కడ గెలిచే అవకాశం ఉన్న వారికే ప్రాధాన్యత ఇస్తామని పళనిస్వామి తెలిపారు. ఢిల్లీ నుండి చెన్నై బయలుదేరే ముందు ఆయన చేసిన ఈ వ్యాఖ్యలు అటు రాజకీయ వర్గాల్లో, ఇటు కార్యకర్తల్లో ఉత్సాహాన్ని నింపాయి. వచ్చే వారంలో తమిళనాడు రాజకీయ ముఖచిత్రంపై పూర్తి స్పష్టత వచ్చే అవకాశం ఉంది.

English Summary:

AIADMK General Secretary Edappadi K. Palaniswami announced on Friday that the party will finalize seat-sharing arrangements with the BJP and other allies within the next four days. After a high-profile meeting with Union Home Minister Amit Shah in New Delhi, EPS stated that negotiations are progressing smoothly without any hitches. He emphasized that the alliance’s primary objective is to allot constituencies to allies where they have the brightest prospects of winning, unlike the confusion seen in the DMK camp. A formal announcement regarding the allocated constituencies is expected early next week.