ఏపీ తీరంలో ముమ్మరంగా చమురు వేట
OIL REFINERY
రాష్ట్రంలోని నాలుగు జిల్లాల్లో క్రూడాయిల్ నిక్షేపాల అన్వేషణ కోసం కేంద్ర ప్రభుత్వం ‘మిషన్ అన్వేషణ్’ పేరుతో భారీ సర్వేను చేపట్టింది.
పశ్చిమాసియాలో యుద్ధ మేఘాలు కమ్ముకున్న వేళ, ఇంధన స్వయంసమృద్ధి సాధించడమే లక్ష్యంగా భారత ప్రభుత్వం అడుగులు వేస్తోంది. ఆంధ్రప్రదేశ్ తీర ప్రాంతాల్లో అపారమైన చమురు, సహజవాయు నిక్షేపాలు ఉన్నాయన్న అంచనాలతో కేంద్రం రంగంలోకి దిగింది. విజయనగరం జిల్లా భోగాపురం నుండి కృష్ణా జిల్లా మచిలీపట్నం వరకు గల బంగాళాఖాతం తీర ప్రాంతాన్ని ఈ అన్వేషణ కోసం ఎంపిక చేశారు. ఓఎన్జీసీ (ONGC), ఆల్ఫా జియో సంస్థలు సంయుక్తంగా ఈ భారీ ఆపరేషన్ను నిర్వహిస్తున్నాయి.
అనకాపల్లి జిల్లాలో డ్రిల్లింగ్ పనులు
ప్రస్తుతం అనకాపల్లి జిల్లాలోని తీర ప్రాంత మండలాలైన నక్కపల్లి, పాయకరావుపేట, ఎస్.రాయవరం, రాంబిల్లి, మునగపాకల్లో సర్వే ముమ్మరంగా సాగుతోంది. శాటిలైట్ డేటా ఆధారంగా గుర్తించిన పంట భూముల్లో సుమారు 60 అడుగుల లోతు వరకు డ్రిల్లింగ్ చేసి మట్టి నమూనాలను సేకరిస్తున్నారు. ఈ నమూనాల ద్వారా భూగర్భంలో ఉన్న చమురు నిక్షేపాల లభ్యతను శాస్త్రవేత్తలు విశ్లేషించనున్నారు.
రూపాయికి చుక్కెదురు: చరిత్రలో తొలిసారిగా 93 మార్కును దాటిన విలువ.. ఈ వార్తను కూడా చదవండి
డెహ్రాడూన్ ల్యాబ్కు నమూనాలు
క్షేత్రస్థాయిలో సేకరించిన మట్టి, నీటి నమూనాలను తదుపరి పరీక్షల నిమిత్తం ఉత్తరాఖండ్లోని డెహ్రాడూన్ కేంద్రానికి పంపిస్తున్నారు. అక్కడ జరిగే శాస్త్రీయ పరీక్షల అనంతరం నిక్షేపాల నాణ్యత, పరిమాణంపై స్పష్టత రానుంది. ఒకవేళ ఎక్కడైనా సహజవాయు నిక్షేపాలు ఉన్నట్లు తేలితే, ఆ ప్రాంతంలో సుమారు రెండు ఎకరాల భూమిని లీజుకు తీసుకుని వెలికితీత పనులను ప్రారంభించాలని అధికారులు భావిస్తున్నారు.
నాలుగేళ్ల పాటు నిరంతర సర్వే
దేశీయంగా ఉన్న వనరులను సమర్థవంతంగా వినియోగించుకోవాలనే ఉద్దేశంతో కేంద్రం ఈ ప్రాజెక్టును ప్రతిష్టాత్మకగా తీసుకుంది. ఏపీలో ప్రారంభమైన ఈ అన్వేషణ ప్రక్రియ మరో నాలుగేళ్ల పాటు నిరంతరాయంగా కొనసాగనుంది. గల్ఫ్ దేశాలపై ఆధారపడటాన్ని తగ్గించి, సొంతంగా ఇంధన అవసరాలను తీర్చుకునే దిశగా ఈ సర్వే కీలక మైలురాయిగా నిలవనుంది. సామాన్య ప్రజలకు భవిష్యత్తులో ఇంధన కష్టాలు తప్పించేందుకు ఈ ప్రాజెక్ట్ దోహదపడనుంది.
CrudeOil #APNews #MissionAnveshan #ONGC #EnergySecurity #AndhraPradesh #OilExploration #FuelIndia
రూపాయికి చుక్కెదురు: చరిత్రలో తొలిసారిగా 93 మార్కును దాటిన విలువ.. ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
