- ఇమ్మిగ్రేషన్ పై ఆందోళనలు తీవ్రం
- 6 నగరాలకు వ్యాపించిన నిరసనలు
- క్యాలిఫోర్నియా గవర్నర్ అభ్యంతరం, వినని అధ్యక్ష పీఠం
లాస్ ఏంజలిస్, జూన్ 11: అమెరికాలో ఇమ్మిగ్రేషన్ రైడ్స్ (Immigration Raids)పై జరుగుతున్న తీవ్రమైన నిరసనలు (chaotic protests) నాల్గవ రోజుకు చేరుకున్నాయి. దీంతో పరిస్థితిని అదుపులోకి తెచ్చేందుకు అమెరికా అధ్యక్షుడు డొనాల్డ్ ట్రంప్ (Donald Trump) లాస్ ఏంజలిస్‌కు మరిన్ని సైనిక దళాలను పంపారు. ఇప్పటికే 700 మరైన్‌జ్‌ (Marines) ను మోహరించగా, 4,000 నేషనల్ గార్డ్స్ (National Guard Troops) ను తరలించారు. అయితే అమెరికా సైన్యం దేశంలో పోలీసు విధులు నిర్వహించరాదని రాజ్యాంగ నిబంధనలు పేర్కొంటున్నాయి. గతంలో 2005లో హరికేన్ కత్రినా సమయంలో, 26/11 Mumbai దాడుల తర్వాత మాత్రమే మిలటరీ స్థానికంగా మోహరించబడింది.
ఈ క్రమంలో, ట్రంప్ నిర్ణయాన్ని తీవ్రంగా ఖండించిన క్యాలిఫోర్నియా గవర్నర్ గావిన్ న్యూసమ్ (Gavin Newsom), ఇది “తన పగ్గాలు కోల్పోయిన నియంత అధ్యక్షుడి కలల్ని సాకారం చేసే చర్య”గా పేర్కొన్నారు. గవర్నర్ అనుమతి లేకుండానే దళాలను పంపించడాన్ని వ్యతిరేకిస్తూ రాష్ట్ర ప్రభుత్వం కేంద్రంపై కేసు దాఖలు చేసింది. న్యూసమ్, “ఇది స్పష్టమైన నియంతృత్వానికి దారి తీసే అడుగు” అని మండిపడ్డారు.
అయితే ట్రంప్ మాత్రం, “నేను సైనిక దళాలను పంపకపోతే, ఈ నగరం మంటల్లో ఆవిరైపోయేది,” అంటూ ట్రూత్ సోషల్ (Truth Social) లో పేర్కొన్నారు. “వీధుల్లో కార్లు మండుతున్నాయి, ప్రజలు అల్లర్లు చేస్తున్న వీడియోలు చూస్తున్నాను. ఆందోళనను ఆపేందుకు మేము చర్యలు తీసుకున్నాం. నాకు మరో ఆప్షన్ లేదు,” అంటూ సోమవారం వైట్‌హౌస్‌ మీడియాకు వెల్లడించారు.
ఇక ట్రంప్ బోర్డర్ సిజార్ టామ్ హోమన్ (Tom Homan) మాత్రం మరింత దూకుడుగా స్పందించారు. “ఎవరైనా అధికారులు ఎన్‌ఫోర్స్మెంట్‌ ఏజెంట్స్ పనికి అడ్డుపడితే, వారి అరెస్టుకి మేము వెనుకాడము. ఇక్కడ ప్రతి రోజూ ఇమ్మిగ్రేషన్ చట్టాన్ని అమలు చేస్తాం, వాళ్లకు నచ్చకపోయినా,” అంటూ హెచ్చరించారు. “అవినీతిపరులను రక్షించడమో, ఏజెంట్స్‌ను అడ్డుకోవడమో ఫెలనీ (Felony) నేరమే,” అని స్పష్టం చేశారు.
