2026లో గోవిందరాజస్వామివారి ఆలయంలో విశేష ఉత్సవాలు
తిరుపతిలోని ప్రసిద్ధ గోవిందరాజస్వామివారి ఆలయంలో జనవరి–2026 నెలలో పలు విశేష ఉత్సవాలు ఘనంగా నిర్వహించనున్నారు. ఈ సందర్భంగా ఆలయంలో భక్తులకు ఆధ్యాత్మిక ఆనందాన్ని పంచే పర్వదినాలు, వాహన సేవలు, ఉత్సవాలు జరగనున్నాయి.
జనవరి 1న రోహిణి నక్షత్రం సందర్భంగా సాయంత్రం 6 గంటలకు రుక్మిణి, సత్యభామ సమేత పార్థసారధి స్వామివారు మాడ వీధుల్లో ఊరేగి భక్తులను అనుగ్రహిస్తారు.
జనవరి 2, 23 తేదీల్లో శుక్రవారం సాయంత్రం 6 గంటలకు ఆండాళ్ అమ్మవారు ఆలయ మాడ వీధుల్లో విహరిస్తారు.
జనవరి 3న పౌర్ణమి సందర్భంగా గరుడ సేవ నిర్వహించనున్నారు.
జనవరి 5న గోవిందరాజస్వామివారు రామచంద్ర తీర్థ కట్టకు వేంచేపు చేయనున్నారు.
జనవరి 7 నుండి 13వ తేదీ వరకు ఆండాళ్ అమ్మవారి నీరాటోత్సవం జరుగనుంది.
జనవరి 14న భోగి తేరు, జనవరి 15న మకర సంక్రాంతి.
జనవరి 16న గోదా కల్యాణం నిర్వహిస్తారు.
జనవరి 17న కనుమ పండుగ సందర్భంగా పార్వేటి ఉత్సవం జరుగుతుంది.
జనవరి 18 నుండి ఫిబ్రవరి 10వ తేదీ వరకు అధ్యయనోత్సవాలు కొనసాగనున్నాయి.
జనవరి 20న శ్రవణా నక్షత్రం సందర్భంగా సాయంత్రం 6 గంటలకు కల్యాణ వెంకటేశ్వరస్వామివారు ఉభయ నాంచారులతో కలిసి నాలుగు మాడ వీధుల్లో విహరిస్తారు.
జనవరి 25న రథసప్తమి ఉత్సవం.
జనవరి 27 నుండి ఫిబ్రవరి 1వ తేదీ వరకు తెప్పోత్సవాలు ఘనంగా నిర్వహించనున్నారు.
ఈ ఉత్సవాలకు అధిక సంఖ్యలో భక్తులు తరలివచ్చే అవకాశం ఉంది.
#GovindarajaSwamyTemple
#January2026Festivals
#TirupatiTemples
#TempleUtsavams
#HinduFestivals
#SanatanaDharma
#SpiritualEvents
