“10 రోజులే.. ” ఇరాన్‌కు ట్రంప్ చివరి హెచ్చరిక !

పశ్చిమాసియాలో ఇరాన్ తో యుద్ధానికి సిద్ధమై… నౌకలను ఫైటర్ జెట్లను అక్కడకు పంపిన అమెరికా తాజాగా హెచ్చెరికలు జారీ చేసింది. ఆ లోపు సానుకూలంగా స్పందించకపోతే యుద్ధం తప్పదని గర్జిస్తోంది. మేఘాలు కమ్మేస్తున్న తరుణంలో అమెరికా అధ్యక్షుడు డొనాల్డ్ ట్రంప్ ఇరాన్‌కు డెడ్ లైన్ విధించారు. రాబోయే ‘పది రోజులు’ అత్యంత కీలకమని, ఈలోగా తన అణు నిబంధనలకు లొంగిపోకపోతే తీవ్ర పరిణామాలు ఉంటాయని హెచ్చరించారు. అణు చర్చలు జరుగుతున్నప్పటికీ, ఇరాన్ తన పాత వైఖరిని వీడకపోవడంపై ఆగ్రహం వ్యక్తం చేసిన ట్రంప్.. ఒకవైపు శాంతి వచనాలు పలుకుతూనే, మరోవైపు ఇరాన్ సరిహద్దులకు అమెరికా యుద్ధనౌకలను భారీగా పంపి సైనిక బలాన్ని ప్రదర్శిస్తున్నారు. మంగళవారం జెనీవాలో జరిగిన అంతర్జాతీయ వేదికపై నుంచి ట్రంప్ చేసిన ఈ వ్యాఖ్యలు ఇప్పుడు ప్రపంచవ్యాప్తంగా కలకలం రేపుతున్నాయి.

అమెరికా సైనిక వ్యూహం: ఇరాన్ చుట్టూ విమాన వాహక నౌకలు

ట్రంప్ కేవలం మాటలతోనే కాకుండా, చేతలతో కూడా ఇరాన్‌ను ఉక్కిరిబిక్కిరి చేస్తున్నారు. ఇప్పటికే మధ్యప్రాచ్యంలో ఉన్న ‘యూఎస్ఎస్ అబ్రహం లింకన్’ నౌకకు తోడుగా, ప్రపంచంలోనే అతిపెద్ద యుద్ధనౌక ‘యూఎస్ఎస్ గెరాల్డ్ ఆర్. ఫోర్డ్’ను కూడా రంగంలోకి దించారు. ఈ నౌక మరో 10 రోజుల్లో ఇరాన్ సమీప తీరాలకు చేరుకోనుంది. సరిగ్గా ఇదే పది రోజుల సమయాన్ని ట్రంప్ డెడ్ లైన్‌గా పేర్కొనడం గమనార్హం. “మా అమ్ములపొదిలో ఉన్న అత్యంత శక్తివంతమైన ఆయుధాలు ఇరాన్ తీరానికి చేరుకునేలోపు వారు తమ అణు మొండితనాన్ని వీడాలి” అని ట్రంప్ స్పష్టం చేశారు.

చర్చలు వైఫల్యం చెందితే ‘ప్లాన్ బి’ సిద్ధం!

జెనీవాలో ఇరాన్, అమెరికా ప్రతినిధుల మధ్య జరుగుతున్న పరోక్ష చర్చల్లో ప్రతిష్టంభన కొనసాగుతోంది. ఇరాన్ తన వద్ద ఉన్న సుసంపన్నమైన యురేనియం నిల్వలను వదులుకోవడానికి నిరాకరిస్తుండటంతో, ట్రంప్ సహనం కోల్పోతున్నారు. “ఇది నిరంతరం సాగే చర్చల ప్రక్రియ కాదు. మా ఎజెండా స్పష్టంగా ఉంది. ఇరాన్ అణ్వాయుధ దేశంగా మారకూడదు” అని ట్రంప్ గట్టిగా చెప్పారు. ఒకవేళ వచ్చే 10 రోజుల్లో అంగీకారం కుదరకపోతే, ఇరాన్ అణు కేంద్రాలపై నేరుగా దాడులు చేసేందుకు కూడా వెనుకాడబోమని అమెరికా రక్షణ వర్గాల ద్వారా లీకులు వస్తున్నాయి.

ట్రంప్ హెచ్చరికలోని ముఖ్యాంశాలు:

గడువు: మార్చి మొదటి వారం లోపు (10 రోజుల్లో) ఇరాన్ తన నిర్ణయాన్ని ప్రకటించాలి.

సైనిక ఒత్తిడి: యూఎస్ఎస్ గెరాల్డ్ ఆర్. ఫోర్డ్ రాకతో ఇరాన్‌పై ఒత్తిడి పెంచడం.

అణు నిబంధనలు: 60% యురేనియం సుసంపన్నతను నిలిపివేయడం మరియు నిల్వలను అప్పగించడం.

రెడ్ లైన్స్: ట్రంప్ విధించిన ‘రెడ్ లైన్స్’ దాటితే సైనిక చర్య తప్పదని హెచ్చరిక.

ఇరాన్ ఇప్పటికే హార్ముజ్ జలసంధిని తాత్కాలికంగా మూసివేసి క్షిపణి పరీక్షలు చేయడం ద్వారా తన ప్రతిఘటనను చాటుతోంది. అయితే, అమెరికా ఆర్థిక ఆంక్షలు మరియు సైనిక మోహరింపు మధ్య ఇరాన్ తన పట్టు వీడుతుందా లేదా అనేది ఈ పది రోజుల్లో తేలిపోనుంది.

Summary: U.S. President Donald Trump has issued a stern 10-day ultimatum to Iran, signaling a potential military escalation if nuclear negotiations in Geneva do not yield immediate results. As the world’s largest aircraft carrier, USS Gerald R. Ford, approaches the Persian Gulf to join the USS Abraham Lincoln, Trump emphasized that the next ten days are “crucial” for Iran to comply with U.S. demands on uranium enrichment. While Iran has shown its defiance by closing the Strait of Hormuz for military drills, Trump remains firm on his “red lines,” warning of severe consequences if a deal is not reached within the specified timeframe.

PY Reddy

Doctorate in Journalism with 29 years of hands-on experience in print, electronic, and digital media, alongside sustained academic engagement as a postgraduate instructor in journalism and communication studies.