ఆలయాలను అపవిత్రం చేస్తుంటే రేవంత్, కేటీఆర్ ఎందుకు స్పందించడం లేదు?: రాజాసింగ్
మల్కాజిగిరిలోని కట్టమైసమ్మ ఆలయం వద్ద జరిగిన అపవిత్ర సంఘటనపై గోషామహల్ ఎమ్మెల్యే రాజాసింగ్ తీవ్రంగా స్పందించారు. మంగళవారం ఆయన ఆలయాన్ని సందర్శించి, భక్తులతో మాట్లాడారు. హిందూ దేవాలయాలపై దాడులు, అపవిత్ర పనులు జరుగుతుంటే తాము హిందువులమని చెప్పుకునే ముఖ్యమంత్రి రేవంత్ రెడ్డి, మాజీ మంత్రి కేటీఆర్ ఎందుకు నోరు విప్పడం లేదని ఆయన ప్రశ్నించారు. రాష్ట్రంలో ఇటీవల హిందూ దేవాలయాలపై దాడులు, అరాచకాలు రోజురోజుకు పెరిగిపోతున్నాయని ఆయన ఆందోళన వ్యక్తం చేశారు. హిందూ మతంపై, ఆలయాలపై దాడులు జరుగుతుంటే హిందువులు మౌనంగా ఉండాలా అని ఆయన ప్రశ్నించారు. ఆలయాల వద్దే ఇలాంటి అపవిత్ర పనులు ఎందుకు జరుగుతున్నాయో ప్రభుత్వం సమాధానం చెప్పాలని డిమాండ్ చేశారు. ఈ సందర్భంగా ఆయన ఆలయ కమిటీ ప్రతినిధులు, స్థానిక కార్పొరేటర్లతో కలిసి ఆలయ పరిస్థితిని సమీక్షించారు.
ఈ కార్యక్రమంలో కార్పొరేటర్లు రాజ్యలక్ష్మి, సునీత చంద్రశేఖర్ యాదవ్ మరియు పలువురు హిందూ సంఘాల ప్రతినిధులు పాల్గొన్నారు.
#RajaSingh #RevanthReddy #KTR #TempleDesecration #Malkajgiri #KattaMaisammaTemple #TelanganaPolitics #HinduTemples #HyderabadNews
Murali, Hyderabad 
