స్నేహితుడి చెవి కొరికేసి… బుర్ర పగలగొట్టి… !
ఇద్దరు యువకులు సరదాగా మందుగొట్టాలనుకున్నారు. ‘రా బావా.. వెళ్దాం అంటే… పద బావా పోదాం…’ చెట్టాపట్టాలేసుకుని దగ్గర్లోని మద్యం దుకాణానికి వెళ్ళారు ఆపై చీకులు, సిప్స్ చేతపట్టుకుని పక్కనే కూర్చుని మందుకొట్టారు. మందులో లోకాభిరామాయణం మొదలు పెట్టారు. నీవు తప్పంటే.. నీవు తప్పంటూ మాటా మాట పెరిగింది. అమాంతం ఓ స్నేహితుడు మరో స్నేహితుడి చెవి కొరికేశాడు. ఈ వింత సంఘటన కడప జిల్లా పులివెందుల నియోజకవర్గంలో జరిగింది. వివరాలిలా ఉన్నాయి.
పోలీసులు తెలిపిన వివరాల ప్రకారం.. సింహాద్రిపురం మండలం రావులకొలను గ్రామానికి చెందిన వై. మౌనీశ్వరరెడ్డి మరియు కె. రాజశేఖర్రెడ్డి స్నేహితులు. వీరిద్దరూ కలిసి శనివారం రాత్రి మద్యం సేవించారు. మద్యం మత్తు తలకెక్కాక ఇద్దరి మధ్య చిన్నపాటి వివాదం మొదలైంది. ఇది కాస్తా పెరిగి ఒకరిపై ఒకరు దాడులు చేసుకునే వరకు వెళ్లింది. ఈ క్రమంలో తీవ్ర ఆగ్రహానికి లోనైన రాజశేఖర్రెడ్డి, ఒక్కసారిగా మౌనీశ్వరరెడ్డిపై పడి అతని చెవిని బలంగా కొరికేశాడు. అంతటితో ఆగకుండా పక్కనే ఉన్న రాయితో కూడా అతనిపై దాడి చేసి గాయపరిచాడు.
మద్యం సేవించిన సమయంలో మెదడుపై నియంత్రణ కోల్పోవడం వల్ల ఇలాంటి ‘ఇంపల్సివ్’ (ఆవేశపూరిత) దాడులు జరుగుతుంటాయి. ఈ కేసులో నిందితుడు మౌనీశ్వరరెడ్డిపై ఉన్న కోపాన్ని అమానవీయ రీతిలో ప్రదర్శించాడు. రక్తపు మడుగులో ఉన్న బాధితుడి అరుపులు విన్న స్థానికులు అక్కడికి చేరుకుని నిందితుడిని అడ్డుకున్నారు.
వెంటనే బాధితుడిని చికిత్స నిమిత్తం పులివెందుల ఆసుపత్రికి తరలించారు. ఈ ఘటనపై పులివెందుల గ్రామీణ సీఐ రమణ మాట్లాడుతూ.. నిందితుడు రాజశేఖర్రెడ్డిపై హత్యాయత్నం,గాయపరిచిన సెక్షన్ల కింద కేసు నమోదు చేసినట్లు తెలిపారు.
కడప జిల్లాలో ఇటీవల కాలంలో మద్యం మత్తులో జరుగుతున్న నేరాలు ఆందోళన కలిగిస్తున్నాయి. ముఖ్యంగా గ్రామీణ ప్రాంతాల్లో రాత్రి వేళల్లో బహిరంగంగా మద్యం సేవించడం, ఆపై ఘర్షణలకు దిగడం సర్వసాధారణంగా మారింది. ఈ చెవి కొరికిన ఘటన సోషల్ మీడియాలో వైరల్ కావడంతో జనం విస్తుపోతున్నారు. ప్రస్తుతం బాధితుడు ఆసుపత్రిలో కోలుకుంటున్నాడు. నిందితుడిని అదుపులోకి తీసుకునేందుకు పోలీసులు చర్యలు చేపట్టారు.
#kadapanews #crimealert #drunkenbrawl #andhrapradesh #pulivendula
