ప్రతి నీటిబొట్టు బంగారుకణం: సీఎం చంద్రబాబు
CM CHANDRA BABU
రాయలసీమను పండ్ల తోటల హబ్గా మార్చడమే కాకుండా, ప్రతి ఎకరాానికి సాగునీరు అందించి ఈ ప్రాంతాన్ని సస్యశ్యామలం చేస్తామని ఆంధ్రప్రదేశ్ ముఖ్యమంత్రి నారా చంద్రబాబు నాయుడు స్పష్టం చేశారు. అనంతపురం జిల్లాలో సోమవారం నిర్వహించిన ‘సాగునీటి భద్రత’ కార్యక్రమంలో పాల్గొన్న ఆయన, భూగర్భ జలాల పెంపుదలపై కీలక వ్యాఖ్యలు చేశారు. భూమినే ఒక జలాశయంగా మార్చుకోవాలని, ప్రతి నీటి బొట్టును ఒక బంగారు కణంగా భావించి పొదుపు చేయాలని ఆయన ప్రజలకు పిలుపునిచ్చారు.
మైక్రో ఇరిగేషన్లో ఏపీ నెంబర్ వన్
రాయలసీమలో హార్టీకల్చర్ అభివృద్ధికి మైక్రో ఇరిగేషన్ కీలకమని, అందుకే రైతులకు 90 శాతం రాయితీతో డ్రిప్ పరికరాలు అందిస్తున్నామని సీఎం తెలిపారు. ప్రస్తుతం మైక్రో ఇరిగేషన్ అమలులో ఆంధ్రప్రదేశ్ దేశంలోనే అగ్రస్థానంలో ఉందని ఆయన వెల్లడించారు. రాబోయే ఆరేళ్లలో ఉద్యానవన శాఖ అభివృద్ధి కోసం రూ.30 వేల కోట్లు ఖర్చు చేయనున్నట్లు ప్రకటించారు. ఇప్పటికే అనంతపురంలో భూగర్భ జల మట్టాన్ని గణనీయంగా పెంచగలిగామని ఆయన గుర్తుచేశారు.
ఆంధ్రప్రదేశ్లో ఎండల సెగ.. బీ అలర్ట్! ఈ వార్తను కూడా చదవండి
2027 నాటికి పోలవరం పూర్తి
రాష్ట్ర జీవనాడి పోలవరం ప్రాజెక్టుపై ముఖ్యమంత్రి కీలక ప్రకటన చేశారు. 2027 పుష్కరాల కంటే ముందే పోలవరం ప్రాజెక్టును పూర్తి చేసి తీరుతామని ఆయన ధీమా వ్యక్తం చేశారు. నదుల అనుసంధానం ద్వారా రాష్ట్రంలోని ప్రతి ప్రాంతానికి సాగునీరు అందించడమే తమ ప్రభుత్వ లక్ష్యమని పేర్కొన్నారు. గత ప్రభుత్వ హయాంలో నిలిచిపోయిన పనులను వేగవంతం చేసి, ప్రాజెక్టును గడువులోగా పూర్తి చేస్తామని స్పష్టం చేశారు.
ఒకే రాష్ట్రం.. ఒకే రాజధాని
రాష్ట్రానికి అమరావతి మాత్రమే ఏకైక రాజధాని అని చంద్రబాబు పునరుద్ఘాటించారు. అమరావతితో పాటు విశాఖపట్నం, తిరుపతి నగరాలను మెగా సిటీలుగా తీర్చిదిద్దుతామని హామీ ఇచ్చారు. కూటమి ప్రభుత్వం అధికారంలోకి వచ్చిన తర్వాత రాష్ట్రానికి రూ.21 లక్షల కోట్ల పెట్టుబడులు వచ్చాయని, 2047 నాటికి తెలుగుజాతిని ప్రపంచంలోనే అగ్రస్థానంలో నిలబెడతానని ఆయన ఆకాంక్షించారు. అవినీతి లేని సుపరిపాలన అందించడమే తమ ప్రభుత్వ ధ్యేయమని సీఎం పేర్కొన్నారు.
#ChandrababuNaidu #APPolitics #Polavaram2027 #Rayalaseema #WaterManagement #Amaravati #AndhraPradesh #HorticultureHub
ఆంధ్రప్రదేశ్లో ఎండల సెగ.. బీ అలర్ట్! ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
