లవ్ జిహాద్, ల్యాండ్ జిహాద్లను అరికడతాం – సమిక్ భట్టాచార్య
Bengali Hindus existence అంటే బెంగాలీ హిందువుల మనుగడను కాపాడటమే ఈ ఎన్నికల లక్ష్యమని పశ్చిమ బెంగాల్ బీజేపీ రాష్ట్ర అధ్యక్షుడు సమిక్ భట్టాచార్య కీలక వ్యాఖ్యలు చేశారు. బెంగాల్ అసెంబ్లీ ఎన్నికల నేపథ్యంలో కోల్కతాలో మీడియాతో మాట్లాడిన ఆయన, బీజేపీ అధికారంలోకి వస్తే ‘లవ్ జిహాద్’, ‘ల్యాండ్ జిహాద్’లపై కఠిన చర్యలు తీసుకుంటామని స్పష్టం చేశారు.
పశ్చిమ బెంగాల్ అసెంబ్లీ ఎన్నికల వేళ రాజకీయ వాతావరణం వేడెక్కింది. బీజేపీ రాష్ట్ర అధ్యక్షుడు సమిక్ భట్టాచార్య ఈ ఎన్నికలను కేవలం పార్టీల మధ్య పోటీగా కాకుండా, బెంగాలీ హిందువుల అస్తిత్వ పోరాటంగా అభివర్ణించారు. మారుతున్న జనాభా నిష్పత్తి, సరిహద్దు జిల్లాల్లో పరిస్థితులను దృష్టిలో ఉంచుకుని, జాతీయ భద్రతకు పెద్దపీట వేస్తామని ఆయన హామీ ఇచ్చారు. మైనారిటీ బుజ్జగింపు రాజకీయాలకు స్వస్తి పలికి, రాష్ట్రంలో శాంతిభద్రతలను కాపాడటమే తమ లక్ష్యమని పేర్కొన్నారు.
బెంగాలీ హిందువుల మనుగడ కోసమే ఈ పోరాటం
ఈ ఎన్నికలలో బెంగాల్ భవిష్యత్తును నిర్ణయిస్తాయని సమిక్ భట్టాచార్య అన్నారు. బంగ్లాదేశ్లో చోటుచేసుకుంటున్న పరిణామాలు పశ్చిమ బెంగాల్పై ప్రభావం చూపుతున్నాయని, సరిహద్దు దాటి వస్తున్న అక్రమ చొరబాట్ల వల్ల భూములు కోల్పోతున్నామని ఆయన ఆవేదన వ్యక్తం చేశారు. దీనినే ఆయన ‘ల్యాండ్ జిహాద్’గా పేర్కొంటూ, తమ ప్రభుత్వం వస్తే అక్రమ కట్టడాలు, భూ ఆక్రమణలపై ఉక్కుపాదం మోపుతామని హెచ్చరించారు.
లవ్ జిహాద్పై కఠిన చట్టాలు
మతం మార్పిడి ముసుగులో జరుగుతున్న అన్యాయాలను సహించేది లేదని సమిక్ స్పష్టం చేశారు. ‘లవ్ జిహాద్’ను అరికట్టేందుకు అవసరమైతే కఠినమైన చట్టాలను తీసుకువస్తామని, ఇందుకోసం తమను ‘కమ్యూనల్’ అని పిలిచినా వెనక్కి తగ్గబోమని ఆయన ధీమా వ్యక్తం చేశారు. కేవలం హిందువులకే కాకుండా, జాతీయవాద ముస్లింలకు కూడా బీజేపీ అండగా ఉంటుందని ఈ సందర్భంగా ఆయన వివరించారు.
English Summary
Bengali Hindus existence : West Bengal BJP President Samik Bhattacharya stated that if the party is voted to power, it will strictly implement laws against ‘Love Jihad’ and ‘Land Jihad’. He characterized the 2026 Assembly elections as a “civilizational battle” essential for the survival of Bengali Hindus and nationalist Muslims in the state.
Linking the political narrative to national security and changing demographics in border districts, Bhattacharya criticized the ruling TMC for its “minority appeasement” policies. He emphasized that the BJP is committed to protecting the identity and land of the local population, regardless of being labeled communal by opponents.
