విద్యుత్ శాఖలో 2,947 పోస్టుల భర్తీకి గ్రీన్ సిగ్నల్!

ఆంధ్రప్రదేశ్ విద్యుత్ శాఖలో ఖాళీల భర్తీపై రాష్ట్ర ఇంధన శాఖ మంత్రి గొట్టిపాటి రవికుమార్ అసెంబ్లీ వేదికగా కీలక ప్రకటన చేశారు. ఏపీ ఈపీడీసీఎల్ (APEPDCL) పరిధిలో ఖాళీగా ఉన్న వివిధ కేటగిరీల పోస్టులను త్వరలోనే భర్తీ చేస్తామని ఆయన స్పష్టం చేశారు. విద్యుత్ వినియోగదారులకు మెరుగైన సేవలు అందించేందుకు వీలుగా సిబ్బంది కొరతను తీర్చడమే ప్రభుత్వ లక్ష్యమని మంత్రి పేర్కొన్నారు.

ఏపీఈపీడీసీఎల్‌లో ఖాళీల వివరాలు

ఎమ్మెల్యే బండారు సత్యానందరావు అడిగిన ప్రశ్నకు సమాధానంగా మంత్రి గొట్టిపాటి రవికుమార్ సభలో ఖాళీల వివరాలను వెల్లడించారు. మొత్తం 2,947 పోస్టులు భర్తీ చేయాల్సి ఉందని తెలిపారు. వాటి విభజన ఇలా ఉంది:

ప్రస్తుతం వినియోగదారులకు ఇబ్బంది కలగకుండా 8,770 మంది అవుట్ సోర్సింగ్ సిబ్బందితో విధులను నిర్వహిస్తున్నట్లు మంత్రి వివరించారు.

నిరంతరాయ విద్యుత్ సరఫరాకు పెద్దపీట

ముఖ్యమంత్రి నారా చంద్రబాబు నాయుడు నేతృత్వంలో రాష్ట్రవ్యాప్తంగా నాణ్యమైన విద్యుత్తును అందించడమే ప్రభుత్వ ప్రాధాన్యత అని మంత్రి స్పష్టం చేశారు. ముఖ్యంగా లో-వోల్టేజ్ సమస్యలను అధిగమించేందుకు పక్కా ప్రణాళికలతో ముందుకు వెళ్తున్నామని చెప్పారు. అవసరమైన ప్రాంతాల్లో కొత్త సబ్ స్టేషన్ల మంజూరుతో పాటు, పరిపాలనా సౌలభ్యం కోసం ఎలక్ట్రికల్ డీఈ కార్యాలయాలను కూడా ఏర్పాటు చేస్తున్నట్లు వెల్లడించారు.

సిబ్బంది కొరతకు స్వస్తి

విద్యుత్ శాఖలో ఏఈలు (AEs), లైన్ మెన్ల కొరత వల్ల క్షేత్రస్థాయిలో పనులకు ఆటంకం కలగకుండా ప్రభుత్వం చర్యలు తీసుకుంటోందని మంత్రి భరోసా ఇచ్చారు. ఈ భర్తీ ప్రక్రియ ద్వారా వ్యవస్థ మరింత బలోపేతం అవుతుందని, విద్యుత్ సమస్యల పరిష్కారం వేగవంతం అవుతుందని ఆయన ఆశాభావం వ్యక్తం చేశారు.

#APEPDCL #APGovtJobs #GottipatiRaviKumar #ElectricityDepartment #JobNotification #AndhraPradesh #PowerSector #EmploymentNews

Saran Kumar Thalapula

Experienced sub-editor with a proven track record in major publications, specializing in sharp analytical pieces and deep-dive investigative journalism.