Nepal PM Balen Shah సంచలనం.. మాజీ ప్రధాని కేపీ శర్మ ఓలీ అరెస్టు !
నేపాల్ రాజధాని ఖాట్మండులో నయా రాజకీయాలు మొదలయ్యాయి. గత ప్రభుత్వాల హయాంలో జరిగిన అగాడాలకు కాలం చెల్లిందని చాటిచెబుతూ, ఆ దేశ సరికొత్త ప్రధాని Nepal PM Balendra Shah (బాలెన్ షా) సంచలన నిర్ణయాలతో విరుచుకుపడుతున్నారు. కేవలం 35 ఏళ్ల వయస్సులోనే ప్రధానిగా బాధ్యతలు చేపట్టిన ఈ మాజీ రాప్ సింగర్, ప్రమాణ స్వీకారం చేసిన 24 గంటలు గడవకముందే మాజీ ప్రధాని కేపీ శర్మ ఓలీని కటకటాల వెనక్కు నెట్టడం గమనార్హం.
2025లో నేపాల్ను కుదిపేసిన Gen Z Movement సందర్భంగా చోటుచేసుకున్న హింసాకాండలో పదుల సంఖ్యలో యువత ప్రాణాలు కోల్పోయారు. గతేడాది సెప్టెంబర్లో ఎగిసిపడిన ఈ నిరసనల సమయంలో అప్పటి ప్రధాని KP Sharma Oli, హోం మంత్రి రమేష్ లేఖక్ నిర్లక్ష్యంగా వ్యవహరించడమే కాకుండా, పోలీసు కాల్పులకు కారణమయ్యారనే ఆరోపణలు ఉన్నాయి. తాజాగా జరిగిన ఎన్నికల్లో బాలేంద్ర షా నేతృత్వంలోని రాష్ట్రీయ స్వతంత్ర పార్టీ (RSP) ఘనవిజయం సాధించడంతో పాత తరం నేతలకు గడ్డుకాలం మొదలైంది.
Read this article also: Hawaii Helicopter Crash: ముగ్గురు పర్యాటకులు మృతి
మొదటి కేబినెట్ సమావేశంలోనే బాలెన్ షా కీలక నిర్ణయం తీసుకున్నారు. గౌరీ బహదూర్ కర్కీ నేతృత్వంలోని దర్యాప్తు కమిషన్ నివేదికను తక్షణమే అమలు చేయాలని ఆదేశించారు. ఈ నివేదిక ప్రకారం నాటి ప్రధాని ఓలీ, హోం మంత్రి రమేష్ లేఖక్ సహా పలువురు ఉన్నతాధికారులకు గరిష్టంగా 10 ఏళ్ల జైలు శిక్ష విధించాలని సిఫార్సు చేశారు. దీంతో శనివారం ఉదయం భక్తపూర్లోని వారి నివాసాల్లో పోలీసులు అరెస్టులు నిర్వహించి సంచలనం సృష్టించారు.
ప్రభుత్వ ప్రతినిధి ఫోఖరేల్ మీడియాతో మాట్లాడుతూ, నివేదికలోని సిఫార్సుల మేరకు తదుపరి చర్యల కోసం ఒక ప్రత్యేక అధ్యయన బృందాన్ని ఏర్పాటు చేస్తున్నట్లు తెలిపారు. కేవలం రాజకీయ నేతలే కాకుండా, నాటి పోలీస్ ఇన్స్పెక్టర్ జనరల్ చంద్ర కుబేర్ ఖపుంగ్ వంటి ఉన్నతాధికారులపై కూడా చట్టపరమైన చర్యలు తీసుకోవాలని ప్రభుత్వం భావిస్తోంది. అవినీతి మరియు వారసత్వ రాజకీయాలపై విసిగిపోయిన నేపాల్ ప్రజలు బాలేంద్రకు పట్టం కట్టగా, ఆయన తనదైన శైలిలో పాలన సాగిస్తున్నారు.
ప్రస్తుతం మాజీ ప్రధాని ఓలీ అరెస్ట్ అంతర్జాతీయంగా చర్చనీయాంశమైంది. దేశంలో చట్టం కంటే ఎవరూ ఎక్కువ కాదని, న్యాయం జరగడం ఇప్పుడే మొదలైందని కొత్త హోం మంత్రి సుదన్ గురుంగ్ పేర్కొన్నారు. యువ ప్రధాని తీసుకున్న ఈ కఠిన నిర్ణయం పట్ల నేపాల్ యువత హర్షం వ్యక్తం చేస్తోంది.
English Summary
Nepal’s new Prime Minister Balendra Shah, popularly known as Balen, has ordered the arrest of former PM KP Sharma Oli and ex-Home Minister Ramesh Lekhak within 24 hours of taking office. The arrests are linked to their alleged negligence and role in the deaths of protesters during the September 2025 Gen Z movement.
The Rastriya Swatantra Party (RSP) led by Shah won a landslide victory in the recent elections, fueled by public anger against corruption and traditional leadership. Following the Gauri Bahadur Karki commission’s report, which recommended up to 10 years in prison for the officials involved, the new cabinet moved swiftly to ensure accountability, signaling a major shift in Nepal’s political landscape.
