కేకేఆర్ వ్యూహం.. రహానేపైనే నమ్మకం!
COLCATTA
ఐపీఎల్ 2026 సీజన్ (సీజన్-19) కోసం కోల్కతా నైట్రైడర్స్ (KKR) సరికొత్త వ్యూహాలతో సిద్ధమవుతోంది. బాలీవుడ్ బాద్షా షారుఖ్ ఖాన్ యజమాన్యంలోని ఈ ఫ్రాంచైజీ, గత సీజన్ వైఫల్యాలను అధిగమించి మళ్ళీ ఛాంపియన్గా నిలవాలని పట్టుదలతో ఉంది. 2024లో శ్రేయస్ అయ్యర్ సారథ్యంలో మూడోసారి ట్రోఫీని ముద్దాడిన కేకేఆర్, 2025లో మాత్రం 8వ స్థానానికే పరిమితమై విమర్శలు ఎదుర్కొంది. ఈ నేపథ్యంలో, అనుభవజ్ఞుడైన అజింక్య రహానేకే మరోసారి కెప్టెన్సీ పగ్గాలను అప్పగిస్తూ మేనేజ్మెంట్ కీలక నిర్ణయం తీసుకుంది.
రహానేకే సారథ్యం.. రింకూకు నిరాశేనా?
జట్టులో స్టార్ ఫినిషర్ రింకూ సింగ్ పేరు కెప్టెన్సీ రేసులో ప్రముఖంగా వినిపించినప్పటికీ, కేకేఆర్ యాజమాన్యం మాత్రం రహానే వైపే మొగ్గు చూపింది. రింకూకు దేశవాళీ క్రికెట్లో కెప్టెన్సీ అనుభవం ఉన్నప్పటికీ, క్లిష్ట సమయాల్లో జట్టును నడిపించగల చాతుర్యం రహానేకు ఉందని బోర్డు భావించింది. గత సీజన్లో జట్టు విఫలమైనా, బ్యాటర్గా రహానే నిలకడగా రాణించి అత్యధిక పరుగులు సాధించడం అతనికి కలిసొచ్చింది. ఈసారి ఆయన నాయకత్వంలోనైనా జట్టు ప్లేఆఫ్స్ చేరుతుందని అభిమానులు ఆశిస్తున్నారు.
ఆర్సీబీకి గాయాల సెగ.. టైటిల్ కష్టమేనా? ఈ వార్తను కూడా చదవండి
భారీ మార్పులతో కోచింగ్ స్టాఫ్.. వేలంలో కాసుల వర్షం
ఈ సీజన్ కోసం కేకేఆర్ తన కోచింగ్ విభాగంలో కీలక మార్పులు చేసింది. అభిషేక్ నాయర్ను హెడ్ కోచ్గా నియమించగా, లెజెండరీ ఆటగాడు షేన్ వాట్సన్ అసిస్టెంట్ కోచ్గా బాధ్యతలు చేపట్టారు. ఆండ్రీ రస్సెల్ పవర్ కోచ్గా, టిమ్ సౌథీ బౌలింగ్ కోచ్గా వ్యవహరించనున్నారు. ఇక వేలంలో కేకేఆర్ ఏకంగా రూ. 63 కోట్లతో బరిలోకి దిగి కామెరూన్ గ్రీన్ (రూ. 25.20 కోట్లు), మతీషా పతీరణ (రూ. 18 కోట్లు) వంటి స్టార్ ప్లేయర్లను కొనుగోలు చేసి జట్టును మరింత బలోపేతం చేసింది.
గాయాల బెడద.. స్టార్ బౌలర్ దూరం
సీజన్ ప్రారంభానికి ముందే కేకేఆర్కు పెద్ద ఎదురుదెబ్బ తగిలింది. యువ పేసర్ హర్షిత్ రాణా మోకాలి గాయం కారణంగా ఈ సీజన్ మొత్తానికి దూరమయ్యాడు. దక్షిణాఫ్రికాతో జరిగిన టీ20 ప్రపంచకప్ మ్యాచ్లో ఆయన గాయపడ్డాడు. అలాగే, బంగ్లాదేశ్ పేసర్ ముస్తాఫిజుర్ రెహమాన్ను బీసీసీఐ ఆదేశాల మేరకు విడుదల చేయాల్సి వచ్చింది. అతని స్థానంలో జింబాబ్వే స్టార్ బౌలర్ బ్లెస్సింగ్ ముజారబానీని జట్టులోకి తీసుకున్నారు. మిస్టరీ స్పిన్నర్లు వరుణ్ చక్రవర్తి, సునీల్ నరైన్లు జట్టుకు ఎప్పటిలాగే ప్రధాన అస్త్రాలుగా ఉండనున్నారు.
కోల్కతా నైట్రైడర్స్ తుది జట్టు (అంచనా)
అజింక్య రహానే (కెప్టెన్), రింకూ సింగ్, సునీల్ నరైన్, వరుణ్ చక్రవర్తి, రఘువంశీ, మనీష్ పాండే, కామెరూన్ గ్రీన్, అలెన్, తేజస్వి సింగ్, రాహుల్ త్రిపాఠి, సీఫెర్ట్, రోవమన్ పావెల్, అనుకుల్ రాయ్, సార్థక్ రంజన్, దక్ష్ కమ్రా, రచిన్ రవీంద్ర, రమణ్దీప్ సింగ్, వైభవ్ అరోరా, మతీషా పతీరణ, కార్తీక్ త్యాగి, ప్రశాంత్ సోలంకి, ఆకాష్ దీప్, ఉమ్రాన్ మాలిక్, ముజారబానీ.
KKR #AmiKKR #AjinkyaRahane #IPL2026 #RinkuSingh #KolkataKnight Riders #IPLUpdates #CricketNews #KorboLorboJeetbo #IPLSeason19
ఆర్సీబీకి గాయాల సెగ.. టైటిల్ కష్టమేనా? ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
