అమెరికాను చూస్తే జాలేస్తోంది..! ఇరాన్ మంత్రి అరాగ్చీ సంచలన వ్యాఖ్యలు!
- మీ ద్వంద విధానం ఏంటి?
- రష్యా ఆయిల్ కొనుగోలుపై భారత్ ను బతిమిలాడుతున్న అమెరికా
అంతర్జాతీయ చమురు మార్కెట్లో అమెరికా అనుసరిస్తున్న ద్వంద్వ విధానాలపై ఇరాన్ విదేశాంగ మంత్రి అబ్బాస్ అరాగ్చీ (Abbas Araghchi) తీవ్రస్థాయిలో మండిపడ్డారు. ఒకప్పుడు రష్యా నుంచి చమురు కొనవద్దని భారత్పై ఒత్తిడి తెచ్చిన అమెరికా, ఇప్పుడు ఇరాన్ యుద్ధం కారణంగా తలెత్తిన చమురు సంక్షోభాన్ని తట్టుకోవడానికి రష్యా ఆయిల్ను కొనుగోలు చేయాలని భారత్ను బ్రతిమిలాడుతోందని ఆయన విమర్శించారు. శనివారం (మార్చి 14, 2026) నాడు ఆయన చేసిన ఈ వ్యాఖ్యలు అంతర్జాతీయ దౌత్య వర్గాల్లో పెను సంచలనం సృష్టించాయి. ఇరాన్ యుద్ధం వల్ల ప్రపంచవ్యాప్తంగా చమురు ధరలు ఆకాశాన్నంటుతున్న తరుణంలో, మార్కెట్ను స్థిరీకరించడానికి అమెరికా తన ఆంక్షల నుంచి వెనక్కి తగ్గుతోందని అరాగ్చీ ఎద్దేవా చేశారు.
“కొన్ని నెలల క్రితం రష్యా నుంచి చమురు కొనవద్దని భారత్ను అమెరికా బెదిరించింది. కానీ ఇరాన్పై యుద్ధం మొదలైన రెండు వారాలకే పరిస్థితి మారింది. ఇప్పుడు అదే అమెరికా.. ప్రపంచ దేశాలన్నీ (భారత్తో సహా) రష్యా ముడి చమురును కొనాలని బతిమాలుకుంటోంది. ధరలను అదుపులో ఉంచడానికి అమెరికా పడుతున్న ఈ పాట్లు ‘జాలిగొలిపేలా’ (Pathetic) ఉన్నాయి.” అని అన్నారు.
“అమెరికా రక్షణ కవచం కింద ఇరాన్పై అక్రమ యుద్ధానికి మద్దతు ఇస్తే.. రష్యాకు వ్యతిరేకంగా తమకు అండగా ఉంటుందని యూరప్ భ్రమ పడుతోంది. కానీ అసలు విషయం ఏంటంటే.. మార్కెట్లో చమురు ధరలు పెరగకుండా ఉండటం కోసం రష్యా చమురును కొనాల్సిందిగా ఇప్పుడు అమెరికానే యూరప్ను కోరుతోంది.” ఎద్దేవా చేశారు.
“గతంలో ఆంక్షల పేరుతో రష్యా చమురును అడ్డుకున్న అమెరికా.. ఇరాన్తో ఉద్రిక్తతల వల్ల ధరలు 100 డాలర్లు దాటగానే తన పాత మాటలను తుంగలో తొక్కింది. ఇది అమెరికా అనుసరిస్తున్న పచ్చి అవకాశవాదం మరియు ద్వంద్వ నీతికి నిదర్శనం.” ఎండగట్టారు.
English Summary:
Iranian Foreign Minister Abbas Araghchi on Saturday, March 14, 2026, criticized the United States for its “double standards” regarding Russian oil purchases. Araghchi claimed that while the US previously pressured India and other nations not to buy Russian crude, it is now “pleading” with them to do so to stabilize global energy markets amid the ongoing Iran war. Reports suggest the US has granted a 30-day waiver (until April 11) for countries to procure stranded Russian oil tankers. However, India has firmly stated that it does not require permission from any nation to meet its energy needs and will continue to source oil from where it is most cost-effective. Araghchi also lashed out at European nations for supporting what he termed an “illegal war” against Iran in exchange for US support against Russia.
