ఓటీటీలో ‘విక్రమ్ ఆన్ డ్యూటీ’ హవా.. టాప్-1లో ట్రెండింగ్!
ఓటీటీలో ‘విక్రమ్ ఆన్ డ్యూటీ’ హవా.. టాప్-1లో ట్రెండింగ్!
బిగ్ బాస్ విన్నర్ నిఖిల్ మలియక్కల్ హీరోగా నటించిన లేటెస్ట్ క్రైమ్ థ్రిల్లర్ ‘విక్రమ్ ఆన్ డ్యూటీ’ ప్రస్తుతం డిజిటల్ ప్లాట్ఫామ్పై సంచలనం సృష్టిస్తోంది. జియో హాట్స్టార్లో స్ట్రీమ్ అవుతున్న ఈ సిరీస్ ప్రేక్షకులను విశేషంగా ఆకట్టుకుంటూ నంబర్ వన్ స్థానంలో దూసుకుపోతోంది. బ్రహ్మ రుద్ర దర్శకత్వంలో తెరకెక్కిన ఈ ప్రాజెక్ట్ను జ్ఞాపిక ఎంటర్టైన్మెంట్స్ బ్యానర్పై ప్రవీణ, అనిల్ కడియాల అత్యంత ప్రతిష్టాత్మకంగా నిర్మించారు. తాజాగా నిర్వహించిన ప్రెస్ మీట్లో చిత్ర యూనిట్ తమ ఆనందాన్ని పంచుకుంది.
కీరవాణి ప్రశంసలు.. డిటెక్టివ్ నవలల గుర్తుకు ఈ వేడుకకు ముఖ్య అతిథిగా విచ్చేసిన ఆస్కార్ విజేత, సంగీత దర్శకుడు ఎం.ఎం. కీరవాణి సిరీస్ గ్లింప్స్ చూసి చిత్ర యూనిట్ను అభినందించారు. ఈ సిరీస్లోని ఇన్వెస్టిగేషన్ తీరు చూస్తుంటే తనకు చిన్నప్పుడు చదివిన కొమ్మూరి సాంబశివరావు డిటెక్టివ్ నవలలు, మధుబాబు యాక్షన్ కథలు గుర్తుకు వచ్చాయని ఆయన పేర్కొన్నారు. బ్రెయిన్ ఉపయోగించి చేసే పరిశోధనతో పాటు పక్కా యాక్షన్ కూడా ఇందులో ఉంటుందని ఆశిస్తున్నట్లు తెలిపారు.
సంగీతం, టాలెంట్ హంట్పై ప్రత్యేక దృష్టి సిరీస్లో ‘హంట్’ అనే యూనిట్ ద్వారా క్రైమ్ ఇన్వెస్టిగేషన్ సాగడం ఆసక్తికరంగా ఉందని కీరవాణి అన్నారు. కొత్త మ్యూజిక్ డైరెక్టర్ సుహాస్ అందించిన మ్యూజిక్ బిట్స్ బాగున్నాయని, అతనికి మంచి భవిష్యత్తు ఉంటుందని ఆకాంక్షించారు. ఆల్రెడీ ఈ సిరీస్ నంబర్ వన్ స్ట్రీమింగ్లో ఉండటం గొప్ప విషయమని, జియో హాట్స్టార్ టీమ్కు ఆయన ప్రత్యేకంగా అభినందనలు తెలియజేశారు.
జట్టు కృషికి దక్కిన ఫలితం: నిఖిల్ మలియక్కల్ హీరో నిఖిల్ మాట్లాడుతూ.. హర్ష, ప్రవీణ్, అనిల్ అందరం కలిసి ఒక టీమ్ వర్క్లా కష్టపడి ఈ ప్రాజెక్ట్ చేశామని తెలిపారు. కీరవాణి వంటి గొప్ప వ్యక్తి తమ వేడుకకు రావడం ఎంతో స్ఫూర్తిని ఇచ్చిందని ఆనందం వ్యక్తం చేశారు. నటి ఆషు రెడ్డి తన పాత్రలో అద్భుతంగా నటించిందని, ఈ సిరీస్ విజయంలో భాగస్వాములైన ప్రతి ఒక్కరికీ ఆయన ధన్యవాదాలు తెలిపారు. ఆసక్తికరమైన కంటెంట్తో వచ్చిన ఈ సిరీస్ మరిన్ని రికార్డులు సృష్టిస్తుందని చిత్ర యూనిట్ ధీమా వ్యక్తం చేసింది.
VikramOnDuty #NikhilMaliyakkal #MMKeeravani #JioHotstar #TeluguWebSeries #CrimeThriller #OTTUpdates
Experienced sub-editor with a proven track record in major publications, specializing in sharp analytical pieces and deep-dive investigative journalism.
