నారావారిపల్లెలో సీఎం చంద్రబాబు సంక్రాంతి సంబరాలు: నాలుగు రోజుల పర్యటన షెడ్యూల్

ముఖ్యమంత్రి చంద్రబాబు నాయుడు తన కుటుంబ సభ్యులతో కలిసి సంక్రాంతి పండుగను జరుపుకోవడానికి జనవరి 12 నుండి 15 వరకు చిత్తూరు జిల్లా నారావారిపల్లెలో బస చేయనున్నారు.

పర్యటన వివరాలు & షెడ్యూల్:

• జనవరి 12 (సోమవారం): సాయంత్రం 5:20 గంటలకు హెలికాప్టర్ ద్వారా రంగంపేటకు చేరుకుంటారు. అక్కడి నుండి రోడ్డు మార్గంలో నారావారిపల్లెకు చేరుకుని రాత్రికి అక్కడే బస చేస్తారు. (అంతకుముందు అదే రోజు ఆయన సూళ్లూరుపేటలో ‘ఫ్లెమింగో ఫెస్టివల్’ ముగింపు వేడుకల్లో పాల్గొంటారు).

• జనవరి 13, 14, 15: కుటుంబ సభ్యులతో కలిసి భోగి, సంక్రాంతి, కనుమ వేడుకల్లో పాల్గొంటారు. గ్రామస్థులతో ముఖాముఖి నిర్వహించి వారి సమస్యలను తెలుసుకుంటారు. మంత్రి నారా లోకేష్, నందమూరి బాలకృష్ణ కుటుంబ సభ్యులు మరియు ఇతర సన్నిహితులు ఈ వేడుకల్లో పాల్గొంటారు.

అభివృద్ధి పనుల వివరాలు (రూ. 160 కోట్లు):

ముఖ్యమంత్రి ఈ పర్యటనలో దాదాపు రూ. 140 కోట్ల విలువైన కొత్త పనులకు శంకుస్థాపన చేయడంతో పాటు, ఇప్పటికే పూర్తయిన రూ. 20 కోట్ల అభివృద్ధి పనులను ప్రారంభించనున్నారు. చంద్రగిరి మండల సాగునీటి అవసరాల కోసం, అలాగే తిరుపతి-తిరుమల తాగునీటి కోసం నీవా కెనాల్ నుండి కల్యాణి డ్యామ్‌కు కృష్ణా జలాలను మళ్లించే పనులకు మంగళవారం మూలపల్లి చెరువు వద్ద శంకుస్థాపన చేస్తారు. ‘స్మార్ట్ విలేజ్’ కాన్సెప్ట్‌లో భాగంగా కింది పనులను ప్రారంభిస్తారు.  స్కిల్ డెవలప్‌మెంట్ సెంటర్ & కమ్యూనిటీ హెల్త్ సెంటర్. టాటా డీఐఎంసీ (Tata DIMC) & ఇండోర్ సబ్-స్టేషన్. సీసీ రోడ్లు & అానిమల్ హాస్టల్. డీఆర్‌డీఏ (DRDA) ఆధ్వర్యంలో మహిళలకు ఈ-ఆటోల (Electric Autos) పంపిణీ. జనవరి 15న శెట్టిపల్లి లేఅవుట్‌కు చెందిన సుమారు 2,200 మంది లబ్ధిదారులకు లక్కీ డిప్ ద్వారా పట్టాలను అందజేస్తారు.

#ChandrababuNaidu #Naravaripalle #Sankranti2026 #AndhraPradeshPolitics #NaraLokesh #TirupatiNews #DevelopmentWorks #SankrantiCelebrations #ChittoorDistrict #APCM

Saran Kumar Thalapula