నగరంలో హీట్‌ ఐలాండ్‌ ఎఫెక్ట్‌

తెలంగాణలో భానుడు తన ప్రతాపాన్ని చూపిస్తున్నాడు. రాష్ట్రవ్యాప్తంగా ఉష్ణోగ్రతలు సాధారణం కంటే 3 నుంచి 5 డిగ్రీలు అదనంగా నమోదవుతుండటంతో ప్రజలు అల్లాడిపోతున్నారు. రానున్న ఏడు రోజుల పాటు రాష్ట్రంలో తీవ్రమైన వడగాల్పులు వీస్తాయని వాతావరణ శాఖ అధికారులు రెడ్ అలర్ట్ జారీ చేశారు. ముఖ్యంగా కాంక్రీట్ భవనాలు, వాహనాల రద్దీ వల్ల హైదరాబాద్ నగరంలో ‘హీట్ ఐలాండ్’ ఎఫెక్ట్ కనిపిస్తోందని, ప్రజలు అప్రమత్తంగా ఉండాలని హెచ్చరించారు.

త్వరలోనే BRS Party లోకి మాజీ స్పీకర్ పోచారం శ్రీనివాస్ రెడ్డి? ఈ వార్తను కూడా చదవండి

నిప్పుల కొలిమిలా ఉత్తర తెలంగాణ

రానున్న వారం రోజుల్లో ఆదిలాబాద్, నల్గొండ, సూర్యాపేట వంటి జిల్లాల్లో ఉష్ణోగ్రతలు 45 డిగ్రీల సెల్సియస్‌ వరకు నమోదయ్యే అవకాశం ఉంది. ఉత్తర తెలంగాణ సరిహద్దు జిల్లాలైన నిర్మల్, నిజామాబాద్, మంచిర్యాల, జగిత్యాలలో ఎండల తీవ్రత మరింత ఎక్కువగా ఉంటుందని తెలంగాణ వెదర్ మ్యాన్ హెచ్చరించారు. మధ్యాహ్నం 11 గంటల నుంచి సాయంత్రం 4 గంటల వరకు బయటకు రావడం ప్రాణాపాయమని అధికారులు స్పష్టం చేస్తున్నారు.

నగరవాసులపై హీట్ ఐలాండ్ పంజా

హైదరాబాద్ నగరంలో కాంక్రీట్ కట్టడాల వల్ల వేడి తీవ్రత తగ్గకపోగా, రాత్రి వేళల్లో కూడా ఉష్ణోగ్రతలు ఎక్కువగా ఉంటున్నాయి. నగరంలో వరుసగా 42 డిగ్రీల వరకు ఎండలు కాసే అవకాశం ఉండటంతో హీట్ ఐలాండ్ ప్రభావం స్పష్టంగా కనిపిస్తోంది. అత్యవసరమైతే తప్ప మధ్యాహ్నం వేళ ప్రయాణాలు చేయవద్దని, నగరవాసులు తగిన జాగ్రత్తలు తీసుకోవాలని వాతావరణ శాఖ సూచించింది.

ఆరోగ్య శాఖ కీలక సూచనలు

తీవ్రమైన ఎండల నేపథ్యంలో తెలంగాణ ఆరోగ్య శాఖ ప్రజలకు పలు జాగ్రత్తలు జారీ చేసింది. దాహం వేయకపోయినా క్రమం తప్పకుండా మంచినీరు, మజ్జిగ, కొబ్బరి నీళ్లు వంటి ద్రవ పదార్థాలు తీసుకోవాలని సూచించింది. లేత రంగు కాటన్ దుస్తులు ధరించాలని, నూనెలో వేయించిన ఆహార పదార్థాలకు దూరంగా ఉండాలని కోరింది. ముఖ్యంగా చిన్నపిల్లలు, గర్భిణీలు, వృద్ధులు ఎండల పట్ల అత్యంత అప్రమత్తంగా ఉండాలని అధికారులు విజ్ఞప్తి చేశారు.

#TelanganaHeatwave #HyderabadWeather #HeatIslandEffect #SummerAlert #TelanganaNews #WeatherUpdate #StaySafe

Saran Kumar Thalapula

Experienced sub-editor with a proven track record in major publications, specializing in sharp analytical pieces and deep-dive investigative journalism.