ఆర్సీబీ ఊచకోత.. చెన్నై చిత్తు!
RCB VS CSK
ఐపీఎల్ 2026 సీజన్లో రాయల్ ఛాలెంజర్స్ బెంగళూరు తమ విశ్వరూపాన్ని ప్రదర్శించింది. డిఫెండింగ్ ఛాంపియన్గా బరిలోకి దిగిన ఆర్సీబీ, చెన్నై సూపర్ కింగ్స్పై 43 పరుగుల తేడాతో ఘనవిజయం సాధించి వరుసగా రెండో విజయాన్ని నమోదు చేసింది. మరోవైపు చెన్నైకి ఇది ఈ సీజన్లో వరుసగా మూడో ఓటమి కావడం గమనార్హం. ఉత్కంఠభరితంగా సాగిన ఈ హై-స్కోరింగ్ మ్యాచ్లో బెంగళూరు బ్యాటర్లు సిక్సర్ల సునామీ సృష్టించగా, బౌలర్లు క్రమం తప్పకుండా వికెట్లు తీసి చెన్నైని ఒత్తిడిలోకి నెట్టారు.
టిమ్ డేవిడ్ విధ్వంసం.. భారీ స్కోరు
తొలుత బ్యాటింగ్ చేసిన రాయల్ ఛాలెంజర్స్ బెంగళూరు నిర్ణీత 20 ఓవర్లలో 3 వికెట్ల నష్టానికి 250 పరుగుల భారీ స్కోరు సాధించింది. టిమ్ డేవిడ్ కేవలం 25 బంతుల్లోనే 8 సిక్సర్లు, 3 ఫోర్లతో 70 పరుగులు చేసి అజేయంగా నిలిచాడు. రజత్ పాటిదార్ (48 నాటౌట్) కూడా మెరుపు ఇన్నింగ్స్ ఆడగా, ఓపెనర్లు విరాట్ కోహ్లీ, ఫిల్ సాల్ట్, దేవదత్ పడిక్కల్ శుభారంభాన్ని అందించారు.
UPPALలో పరుగుల జాతర.. గురి 300పైనే! ఈ వార్తను కూడా చదవండి
చెన్నై పోరాటం వృథా.. కుప్పకూలిన బ్యాటర్లు
251 పరుగుల భారీ లక్ష్యంతో బరిలోకి దిగిన చెన్నై సూపర్ కింగ్స్ 19.4 ఓవర్లలో 207 పరుగులకు ఆలౌట్ అయింది. సర్ఫరాజ్ ఖాన్ (50), ప్రశాంత్ వీర్ (43) రాణించినప్పటికీ, కీలక ఆటగాళ్లు సంజు శాంసన్, రుతురాజ్ గైక్వాడ్, శివం దూబే విఫలం కావడంతో చెన్నైకి ఓటమి తప్పలేదు. ఆర్సీబీ బౌలర్ల ధాటికి చెన్నై బ్యాటర్లు పెవిలియన్కు క్యూ కట్టారు.
ఆర్సీబీ బౌలర్ల జైత్రయాత్ర
బెంగళూరు బౌలర్లలో భువనేశ్వర్ కుమార్ మూడు వికెట్లతో చెన్నై నడ్డి విరిచారు. అభినందన్, కృనాల్ పాండ్య, జాకబ్ డఫ్పీ తలో రెండు వికెట్లు తీసి జట్టు విజయంలో కీలక పాత్ర పోషించారు. బ్యాటింగ్, బౌలింగ్ విభాగాల్లో సమష్టిగా రాణించిన ఆర్సీబీ, పాయింట్ల పట్టికలో తన స్థానాన్ని మరింత పటిష్టం చేసుకుంది.
#RCBvsCSK #IPL2026 #RoyalChallengersBangalore #ChennaiSuperKings #TimDavid #ViratKohli #CricketNews #IPLUpdate
UPPALలో పరుగుల జాతర.. గురి 300పైనే! ఈ వార్తను కూడా చదవండి
Experienced sub-editor with a proven track record in major publications, specializing in sharp analytical pieces and deep-dive investigative journalism.
