Saran Kumar Thalapula 
Lakshmi MS, Tirupati 
తిరుపతి జిల్లా చంద్రగిరి పట్టణంలో గుర్తు తెలియని వ్యక్తి మృతదేహం లభ్యమవ్వడం స్థానికంగా తీవ్ర కలకలం రేపింది. నూకలగుంట సచివాలయం వెనుక ఉన్న దట్టమైన ముళ్ల పొదల్లో కుళ్లిపోయిన స్థితిలో ఉన్న ఒక పురుషుడి మృతదేహాన్ని మంగళవారం పోలీసులు గుర్తించారు. మృతదేహం పక్కనే మద్యం బాటిళ్లు పడి ఉండటం, ఐదు రోజుల క్రితమే మరణం సంభవించి ఉండవచ్చన్న పోలీసుల అంచనా వేస్తున్నారు. ఈ ఘటన అనేక అనుమానాలకు తావిస్తోంది. ఇది అతిగా మద్యం సేవించడం వల్ల జరిగిన ప్రమాదమా లేక ఎవరైనా హతమార్చి ఇక్కడ పడేశారా అన్న కోణంలో పోలీసులు దర్యాప్తు ముమ్మరం చేశారు.
నూకలగుంట సచివాలయం వెనుక వైపు నుంచి తీవ్రమైన దుర్వాసన రావడాన్ని గమనించిన స్థానికులు పోలీసులకు సమాచారం అందించారు. చంద్రగిరి పోలీసులు ఘటనా స్థలానికి చేరుకుని ముళ్ల పొదల్లో గాలించగా, గుర్తు పట్టలేనంతగా కుళ్లిపోయిన వ్యక్తి విగతజీవిగా పడి ఉన్నాడు. మృతుడి వయస్సు సుమారు 40 నుంచి 50 ఏళ్ల మధ్య ఉండవచ్చని భావిస్తున్నారు. మృతదేహం వద్ద ఖాళీ మద్యం సీసాలు లభించడంతో, అక్కడ మద్యం సేవించిన తర్వాత గొడవ జరిగిందా లేదా అనారోగ్యంతో మరణించాడా అన్నది మిస్టరీగా మారింది.
మృతదేహం లభ్యమైన ప్రాంతం నిర్మానుష్యంగా ఉండటం వల్ల నేరస్థులు దీనిని సురక్షిత ప్రాంతంగా ఎంచుకునే అవకాశం ఉంది. పోలీసులు మృతుడి ఆచూకీ కోసం సమీప గ్రామాల్లోని మిస్సింగ్ కేసులను ఆరా తీస్తున్నారు. ఐదు రోజుల క్రితమే మరణించినందున శవం పూర్తిగా కుళ్లిపోయింది, దీనివల్ల శరీర భావాలపై గాయాలు ఉన్నాయో లేదో ప్రాథమికంగా గుర్తించడం కష్టమవుతోంది. ఫోరెన్సిక్ నిపుణులు మరియు డాగ్ స్క్వాడ్ సాయంతో పోలీసులు ఆధారాలు సేకరిస్తున్నారు. పోస్టుమార్టం నివేదిక వస్తేనే మరణానికి గల అసలు కారణాలు వెల్లడవుతాయి.
English Summary: The recovery of an unidentified man’s body behind the Nookalagunta Secretariat in Chandragiri town has sparked tension locally. Police suspect the man died about five days ago, as the body was found in a decomposed state amidst thorny bushes. Several liquor bottles were found at the scene, leading to suspicions of either an accidental death due to alcohol or a possible murder. Chandragiri police have registered a case and are currently investigating the identity of the deceased and the cause of death through forensic analysis.
PY Reddy 