తెలంగాణ రాజకీయాల్లో (Telangana politics) ఇటీవల బనకచర్ల ప్రాజెక్టు (Banakacherla project) ఒక కొత్త ‘సంజీవని’గా మారింది. కాసేపు ఒక పార్టీకి లాభాన్ని చేకూర్చి, మరుక్షణంలో మరో పార్టీ వైపు మొగ్గు చూపుతూ, మూడు ప్రధాన రాజకీయ పార్టీల (political parties) మధ్య దాగుడుమూతలు ఆడుతోంది. ఈ ప్రాజెక్టుపై ఎవరిది పైచేయి, ఎవరు వెనకబడ్డారు అనేది ఆసక్తికరంగా మారింది.
ఇన్నాళ్లూ రెండు తెలుగు రాష్ట్రాల (Telugu states) మధ్య పొలిటికల్ సెగలు రేపిన గోదావరి-బనకచర్ల ప్రాజెక్టుకు సంబంధించిన డీపీఆర్ (DPR)ను కేంద్ర ప్రభుత్వం (Central government) తిప్పి పంపింది. ఇక్కడితో రచ్చ ఆగుతుందని అనుకుంటే రాజకీయ వేడిని మరింత పెరిగింది. వ్యవహారం కొత్త మలుపు తిరిగింది. అనుమతులు (permissions) అంత సులువుగా ఇచ్చేది లేదని తేల్చి చెప్పడంతో, బనకచర్ల వివాదం టీకప్పులో తుపానులా (storm in a teacup) చప్పున చల్లారిపోయిందేమో అని చాలామంది భావించారు. కానీ, ఈ అనుమానాలను పటాపంచలు చేస్తూ, బనకచర్ల అంశంపై రాజకీయ సంవాదం మాత్రం తెలంగాణలో మెగా సీరియల్‌గా (mega serial) సాగుతూనే ఉంది.
బీఆర్ఎస్, కాంగ్రెస్, బీజేపీల బ్లేమ్ గేమ్
కాళేశ్వరం విషయంలో బిఆర్ఎస్ పార్టీపై కాంగ్రెస్, బీజేపీలు దుమ్మెత్తిపోశాయి. విచారణలు, కేసుల వంటి అంశాలతో బిఆర్ఎస్ ఇరుకున పడ్డది. అయితే ఆ తరువాత బనకచర్ల ప్రాజెక్టు బిఆర్ఎస్ పార్టీకి ఆయుధంలా దొరికింది. గోదావరి జలాలను (Godavari waters) ఆంధ్రప్రదేశ్ ప్రభుత్వానికి (Andhra Pradesh government) అప్పనంగా అప్పగిస్తున్నారని, ముఖ్యమంత్రి రేవంత్‌రెడ్డి (CM Revanth Reddy) చంద్రబాబుకు ఊడిగం చేస్తున్నారని బీఆర్ఎస్ (BRS) తీవ్ర విమర్శలు గుప్పించింది.
ఈ విధంగా బనకచర్ల వివాదం నుంచి బిఆర్ఎస్ (BRS) బాగానే రాజకీయ మైలేజ్‌ను (political mileage) సంపాదించింది. అయితే, ఇప్పుడు పరిస్థితి మారి కాంగ్రెస్ పార్టీకి (Congress party) అడ్వాంటేజ్ గా మారింది. అధికారంలోకి వచ్చిన తర్వాత వరుసబెట్టి పవర్‌పాయింట్ ప్రజెంటేషన్లు (powerpoint presentations) ఇస్తున్న మంత్రులు, ఇదంతా బీఆర్ఎస్ గతంలో చేసిన తప్పుల ఫలితమేనంటూ ప్రతిఘటన మొదలుపెట్టారు.
కేసీఆర్ (KCR) రాసిన మరణశాసనమే కారణం అంటూ బీఆర్‌ఎస్‌పై విమర్శలు గుప్పించిన ముఖ్యమంత్రి రేవంత్‌రెడ్డి, బనకచర్ల అంశాన్ని తమకు అనువుగా మార్చుకునే ప్రయత్నం చేశారు. దీంతో బనకచర్ల అనూహ్యంగా కాంగ్రెస్‌కి పాజిటివ్‌గా మారినట్టయింది.
అటు, కేంద్రమంత్రి కిషన్‌రెడ్డి (Kishan Reddy) బీఆర్‌ఎస్‌కు అనుకూలంగా ఉన్నారని ఆరోపిస్తూ, కాంగ్రెస్ పార్టీ బీజేపీని (BJP) కూడా లక్ష్యంగా చేసుకుంది. బనకచర్లపై ఆచితూచి స్పందిస్తూ వచ్చిన కమలం పార్టీ (BJP), తాజా పరిణామాలతో మరింత ఇరుకున పడింది. బీఆర్ఎస్‌తో గాని, కాంగ్రెస్‌తో గాని తమకు ‘దోస్తీ’ (friendship) లేదని బీజేపీ వివరణ ఇచ్చుకోవాల్సి వస్తోంది.
ఏపీ వైఖరి: వివాదం ఉద్దేశపూర్వకమేనా?
మొత్తంగా, తెలంగాణలో మూడు పార్టీల మధ్య సర్కస్ ఫీట్లను (circus feats) తలపిస్తోంది బనకచర్ల ప్రాజెక్టు వ్యవహారం. ఎవరి రాగం వాళ్లు ఆలపిస్తూ, ‘బ్లేమ్ గేమ్’తోనే (blame game) కాలం గడుపుతున్నారు. దీనికి భిన్నంగా, బనకచర్లలో అసలు వివాదమే లేదని, తెలంగాణ రాజకీయ పార్టీలకు ఇది ఒక రాజకీయ వస్తువుగా (political commodity) మారుతోందని మొదటి నుంచీ చెబుతూ వస్తోంది ఆంధ్రప్రదేశ్ ప్రభుత్వం.
ఈ నేపథ్యంలో, బనకచర్ల ప్రాజెక్టు కేవలం రాజకీయ పార్టీల మధ్య ఒక నిందారోపణల ఆటకు వేదికగా మారకుండా, ప్రజలకు నిజంగా మేలు చేకూర్చే విధంగా పరిష్కారం లభిస్తుందా? లేక ఈ ‘మెగా సీరియల్’ ఇలాగే కొనసాగుతుందా అనేది వేచి చూడాలి.
